Ulytaý oblysynda qatygezdikpen kisi óltirgen aǵaıyndy eki jigit sottaldy

<p>JEZQAZǴAN. KAZINFORM &nbsp;&mdash; Ulytaý oblysynda asqan qatygezdikpen kisi óltirip aǵaıyndy sottaldy. Bul týraly oblystyq sot málimdedi.</p>

Ulytaý oblysynyń qylmystyq ister jónindegi mamandandyrylǵan aýdanaralyq soty A. jáne Ý. esimdi azamattarǵa qatysty adam ólimine qatysty qylmystyq isti qaraýdy aıaqtady. Olar alkogoldik mas kúıde bolǵan K.-ny óltirgeni úshin kináli dep tanyldy.

«2024 jyldyń 19 naýryzynda, keshki 21:00 shamasynda, aıyptalýshylar, baýyrlary A. men Ý., óz úılerinde ishimdik iship otyrǵan. Sózge kelý barysynda olar K.-ny óltirýge sheshim qabyldady. A. K.-ny jippen tunshyqtyrsa, Ý. onyń aıaqtaryn ustap turǵan. Bes mınýt boıy áreket etken soń, K. kóz jumdy», - delingen sot habarlamasynda.

Qylmystyń izin jasyrý úshin, kelesi kúni aıyptalýshylar K.-nyń máıitin qutqarý kóligimen tasyp, kókónis jońqalarymen, avtomobıl dóńgelekterimen birge órtegen. Aıyptalýshylardyń kinási kýálardyń kórsetýlerine, saraptamalyq qorytyndylarǵa, basqa da zattaı dálelderge negizdeldi. Aıyptalýshy Ý.Jezqazǵan qalasynyń ýaqytsha ustaý ızolıatorynda óz-ózine qol salý nátıjesinde qaıtys boldy.

«Sot A. men Ý.-ny qylmys úshin kináli dep tanydy. A.nyń kinásin moıyndaýy jáne ókinýin jeńildetýshi mán-jaı retinde eskerdi. Nátıjesinde, A. 15 jylǵa bas bostandyǵynan aıyryldy, al Ý. qaza tapqandyqtan, qylmystyq jaýapkershilikten bosatyldy», - delingen habarlamada.

Sot úkimi zańdy kúshine engen joq.