Ulytaý oblysynda eki basqarmanyń basshysy aýysty

<p>ASTANA. KAZINFORM &mdash; Ulytaý oblysynda qoǵamdyq damý basqarmasy jáne Qarjy basqarmasynyń basshylary taǵaıyndaldy, dep habarlaıdy oblys ákimdiginiń baspasóz qyzmeti.</p>

Baqytjan Jaılaýbaev Ulytaý oblysy qoǵamdyq damý basqarmasynyń basshysy bolyp taǵaıyndaldy.

Baqytjan Ómirtaıuly Jaılaýbaev 1984 jyly 21 qańtarda týǵan.

Ó.Baıqońyrov atyndaǵy Jezqazǵan ýnıversıtetin «Zańger» mamandyǵy boıynsha bitirgen.

Ár jyldary Sátbaev qalasy mádenı-saýyq ortalyǵynyń dırektory, Sátbaev qalasy ishki saıasat bóliminiń basshysy;

Aqparat jáne qoǵamdyq damý mınıstrligi Azamattyq qoǵam isteri komıteti taldaý jáne josparlaý basqarmasynyń basshysy;

Energetıka mınıstrligi tsıfrlandyrý jáne aqparattandyrý basqarmasynyń basshysy bolyp qyzmet etken.

Ulytaý oblysy qurylǵannan bastap, osy ýaqytqa deıin Jezqazǵan qalasy ákiminiń áleýmettik máseleler boıynsha orynbasary bolǵan.

Sonymen qatar, Jeńis Qııanbekov Ulytaý oblysy Qarjy basqarmasynyń basshysy bolyp taǵaıyndaldy.

Jeńis Shádiuly Qııanbekov 1986 jyly 9 mamyrda týǵan.

Mamandyǵy boıynsha qarjyger jáne zańger.

Qazaq ulttyq agrarlyq ýnıversıtetin jáne Bóketov atyndaǵy Qaraǵandy memlekettik ýnıversıtetin bitirgen.

Eńbek jolyn Almaty oblysynyń qarjy basqarmasynda jetekshi maman bolyp bastaǵan.

Ár túrli jyldary Almaty oblysy qarjy basqarmasy bıýdjet atqarylýyn monıtorıngileý bóliminiń basshysy;

Astana qalasy boıynsha Qazynashylyq departamentiniń shottar jáne túsimder bóliminiń basshysy;

Qaraǵandy oblysy Ulytaý aýdany jáne Jezqazǵan qalasy qazynashylyq basqarmasynyń basshysy bolǵan.

Keıingi jyldary QR Bas prokýratýrasy ishki aýdıt basqarmasynyń jáne Ulytaý oblysy boıynsha qazynashylyq departamentiniń basshysy bolyp qyzmet etti.

Buǵan deıin habarlaǵanymyzdaı, Talǵar qalasy ákiminiń orynbasary laýazymyna Baýyrjan Baıbatyrov taǵaıyndaldy.

Sondaı-aq, Astanada eki aýdannyń ákimi aýysqany belgili boldy.