Ulytaý oblysynda asa iri mólsherdegi bıýdjet qarajatyn talan-tarajǵa salǵandar anyqtaldy

<p>Prokýrorlar Jezqazǵan qalasynyń turǵyn úı kommýnaldyq sharýashylyǵy, jolaýshylar kóligi jáne avtokólik joldary bóliminiń qyzmetin tekserdi, dep habarlaıdy <a href="https://kaz.inform.kz/" target="_blank" rel="noopener">Kazinform</a> Bas prokýratýraǵa silteme jasap.&nbsp;</p>

Tekserý nátıjesi boıynsha Jezqazǵan qalasynyń jylý jelilerin qaıta qurý jáne jańǵyrtý kezinde bıýdjet qarajatyn asa iri mólsherde talan-tarajǵa salý faktisi anyqtaldy.

Atap aıtqanda, 2021 jyly TKSh bóliminiń laýazymdy tulǵalary qurylys jumystaryn joǵary baǵamen qabyldaǵan, bul 223 mln teńgeden astam mólsherde bıýdjet qarajatyn negizsiz artyq tóleýge ákelgen.

Atalǵan fakt boıynsha oblys prokýratýrasy Qylmystyq kodekstiń 189-baby (Senip tapsyrylǵan bóten múlikti ıemdenip alý nemese talan-tarajǵa salý) boıynsha sotqa deıingi is júrgizýdi bastap, ony tergep-tekserý Ulytaý oblysy boıynsha Sybaılas jemqorlyqqa qarsy is-qımyl agenttiginiń departamentine tapsyryldy.

Qylmystyq isti tergep-tekserý barysy oblys prokýratýrasynyń baqylaýyna alyndy.

Qylmystyq-protsestik kodekstiń 201-babyna sáıkes ózge málimet tergeý múddesinde jarııa etýge jatpaıdy.

Sonymen qatar Qazaqstan Respýblıkasy Konstıtýtsııasynyń 77-babyna jáne Qylmystyq-protsestik kodekstiń 19-babyna sáıkes árkim óziniń qylmystyq quqyq buzyshylyq jasaýdaǵy kináliligi sottyń zańdy kúshine engen úkimimen belgilengenge deıin kinásiz bolyp sanalady.