Ulytaý oblysynda 205 kásipker azyq-túlik baǵasyn negizsiz arttyrǵan
Vedomstvonyń málimetinshe, Ulytaý oblysy boıynsha azyq-túlik baǵalaryna baǵa belgileýdiń búkil tizbegi boıynsha deldaldyq shemalardy tekserý jónindegi komıssııanyń jyl basynan beri 62 otyrysy ótip, áleýmettik mańyzy bar azyq-túlik taýaryna saýda ústemesiniń mólsherin negizsiz arttyrǵan 205 kásipkerdi Qazaqstan Respýblıkasynyń «Ákimshilik quqyqbuzýshylyq týraly» kodeksiniń 204-4-babyna sáıkes ákimshilik jaýapkershilikke tartty.
QR «Saýda qyzmetin retteý týraly» zańynyń 9-babyna sáıkes ishki saýda sýbektisi áleýmettik mańyzy bar azyq-túlik taýaryna áleýmettik mańyzy bar azyq-túlik taýaryn berý shartynda kórsetilgen satyp alý baǵasynyń on bes paıyzynan aspaıtyn shekti saýda ústemesiniń mólsherin belgileıdi.
Zańnamada kórsetilgen erejelerge baǵynbaı, baǵany negizsiz kótergen josyqsyz kásipkerlerge jalpy somasy 1 mıllıon teńgege jýyq qarajat kóleminde aıyppul salynyp, qysqartylǵan túrde 461 500 teńge aıyppul óndirildi.
Bul óńirdegi deldaldyq shemalardy anyqtaý boıynsha komıssııa jumysymen qatar, Ulytaý oblysy boıynsha Saýda jáne tutynýshylardyń quqyqtaryn qorǵaý departamenti mamandarynyń elektrondyq shot faktýralarǵa turaqty taldaý júrgizýiniń nátıjesinde múmkin boldy.
Zań buzýshylyqtar áleýmettik mańyzy bar azyq-túlik taýarlary tizbesine kiretin súzbe, kúnbaǵys maıy, jumyrtqa, taýyq eti, qant, kúrish jáne rojkı ónimderiniń baǵasyn negizsiz kóterý kezinde anyqtalǵan.
Sonymen qatar, Qazaqstan Respýblıkasynda jarııa shart jaǵdaıynda taýar ótkizý kezinde taýarlardyń baǵa japsyrmalaryn ornalastyrmaǵan 11 jeke kásipker Qazaqstan Respýblıkasynyń «Ákimshilik quqyqbuzýshylyq týraly» kodeksiniń 193-baby 4-tarmaǵyna sáıkes jaýapkershilikke tartylyp, qysqartylǵan túrinde 129 220 teńge kóleminde aıyppul óndirilgen.
QR Saýda qyzmetin retteý týraly zańynyń 9 babyna sáıkes taýar baǵasy Qazaqstan Respýblıkasynyń aýmaǵynda jarııa shart jaǵdaılarynda ony ótkizý kezinde teńgemen kórsetilýi qajet.
Jalpy óńirde bıylǵy jyldyń 8 aıynda atqarylǵan jumys 2023 jyldyń tıisti kezeńimen salystyrǵanda 300 % artyq oryndalǵan.