Ulytaý oblysynda 2025 jyly 1,6 mln jasyl jelek otyrǵyzý josparlanyp otyr

<p>JEZQAZǴAN. KAZINFORM &ndash; Memleket basshysy Qasym-Jomart Toqaevtyń bastamasymen osy jyldyń sáýir aıynan bastap &laquo;Taza Qazaqstan&raquo; respýblıkalyq ekologııalyq aktsııasy bastaldy.</p>

Onyń aıasynda oblys boıynsha 1 mln-nan astam jasyl jelek, onyń 20 myńy Jezqazǵanda otyrǵyzyldy. 2025 jylǵa arnalǵan jospar – 1,6 mln jasyl jelek. Sondaı-aq, 3 400 tonnadan astam qatty turmystyq qaldyqtar jınaldy, onyń ishinde Jezqazǵanda 1 680 tonna.

Aktsııa bastalǵaly beri 147 myńnan astam adam tartyldy. 2 jyl ishinde Jezqazǵan jáne Sátbaev qalalarynda atmosferaǵa shyǵaryndylardy monıtorıngileý úshin 8 datchık ornatyldy (60 mln tg).

Jezqazǵan, Sátbaev qalalarynda jáne Ulytaý aýdanynda nashar ekologııalyq jaǵdaıdyń jáne halyqtyń joǵary syrqattanýshylyǵynyń, onkologııalyq aýrýlardyń Baıqońyr ǵarysh aılaǵynyń qyzmetimen baılanysyna qatysty ǵylymı zertteýi aıaqtaldy.

Qazirgi ýaqytta zertteý jumystarynyń nátıjeleri Ekologııa jáne tabıǵı resýrstar, Densaýlyq saqtaý jáne Energetıka mınıstrlikteriniń qaraýynda jatyr.

Jezqazǵan qus fabrıkasy iske qosylǵanyn jazǵan bolatynbyz.