Ulytaý oblysynda 172 myń gektardan astam jer memleketke qaıtaryldy
Baspasóz qyzmetiniń málimetterine qaraǵanda, Memleket basshysynyń tapsyrmasyna sáıkes QR Aýyl sharýashylyǵy Jer resýrstaryn basqarý komıteti 2024 jyly Ulytaý oblysy boıynsha jalpy aýdany 170 myń ga aýyl sharýashylyǵy jerlerin memleket menshigine qaıtarýdy josparlaǵan bolatyn.
Jerdi qaıtarý jospary oryndaldy: jalpy aýdany 172 myń 526 ga ýchaskeler, onyń ishinde egistik – 92 032 ga, jaıylym – 78 766 ga, ózge jerler -1 728 ga.
Budan basqa, bıyl Ulytaý oblysynyń Jer resýrstaryn basqarý departamentiniń qyzmetkerleri oblys aýmaǵynda jer qatynastary salasynda jerdi paıdalaný men qorǵaýǵa memlekettik baqylaýdy júzege asyrý úshin jospardan tys tekserýler júrgizdi.
Olardyń qorytyndysy boıynsha Qazaqstan Respýblıkasynyń Ákimshilik quqyq buzýshylyq týraly Kodeksiniń 136, 338-baptaryna sáıkes aıyppuldar salynyp, memleket kirisine 6,1 mln.teńge óndirip alyndy.
Osyǵan deıin Soltústik Qazaqstan oblysynda bıyl prokýrorlardyń aralasýynan keıin 49 myń ga jer qaıtarylǵanyn jazdyq.