Ulytaý oblysy qalaı quryldy – Ákim esteligi

<p>Ulytaý oblysynyń ákimi Berik Ábdiǵalıuly Jibek Joly telearnasyndaǵy <a href="https://www.youtube.com/watch?v=6KpZ-on4YJs&amp;ab_channel=JibekJolyTV" target="_blank" rel="noopener">&laquo;Ýáde&raquo;</a> baǵdarlamasynda oblystyń qalaı bólingenin aıtyp berdi, dep habarlaıdy <a href="https://kaz.inform.kz/" target="_blank" rel="noopener">Kazinform.&nbsp;</a></p>

Óz sózinde ákim oblysty jańadan qurý qıyn ekenin basa aıtty.

«Biz Qaraǵandydan, Astanadan kóp maman keledi dep úmittenip edik. Biraq Jezqazǵanǵa kadr kóp kelmedi. Kóbine Jezqazǵan, Ulytaý, Sátpaev, Qarajaldan qyzmetkerlerdi, aýdan, qala ákimderiniń orynbasarlaryn basqarma basshysy etip taǵaıyndadyq. Olar da oblystyq deńgeıde jumys istep kórmegen. Solaı bir jylda tájirıbe jınaqtady, tájirıbe bolmaǵan soń qatelikter de boldy. Qaraǵandy oblysynan sabaqtastyq bolar, ol jaqtan qyzmetkerler, qujattar keledi dep oıladyq. Іs júzinde basqarmany qurdyq ta, bárin taza paraqtan bastadyq», - dedi Berik Ábdiǵalıuly.

Spıkerdiń aıtýynsha, Ulytaý oblys retinde ashylsa da, turǵyndardyń basqa aımaqtarǵa kóshýi áli toqtaǵan joq.

«Bıyldyń ózinde keri saldo – myńnan astam adam. Árıne, kóship kelýshiler jáne qalýshylar kóp bolýy kerek. Biraq Jezqazǵanda úıdiń baǵasy óte qymbat. Mundaǵy úı baǵasy Astanamen, Almatymen birdeı. Eki myńdaı qyzmetker keldi, olardyń bárine jalǵa alý óte qymbat», - dep tolyqtyrdy B.Ábdiǵalıuly.

Buǵan deıin Berik Ábdiǵalıuly Ulytaý oblys retinde bólingeli qandaı jumystar atqarylyp jatqanyn baıandaǵan edi.