Ulytaý oblysy Dene shynyqtyrý jáne sport basqarmasynyń basshysy aýysty

<p>JEZQAZǴAN. KAZINFORM &mdash; Marat Sultanbekuly Aıdashev Ulytaý oblysy Dene shynyqtyrý jáne sport basqarmasy basshysynyń mindetin atqarýshy bolyp (arnaıy tekseristiń nátıjesi kelgenshe deıin) taǵaıyndaldy.</p>

Marat Sultanbekuly Aıdashev 1971 jyly týǵan. Pavlodar pedagogıkalyq ýnıversıtetin «Dene shynyqtyrý muǵalimi», Qaınar ýnıversıtetin «Zańtaný» jáne Sultanmahmut Toraıǵyrov atyndaǵy Pavlodar memlekettik ýnıversıtetin «Áleýmettik bilim» mamandyǵy boıynsha bitirgen.

Eńbek jolyn 1992 jyly Pavlodar qalasyndaǵy «Batyr» arnaıy olımpıadalyq rezervti jasóspirimder mektebinde dzıýdo boıynsha jattyqtyrýshy bolyp bastaǵan.

2002-2009 jyldar aralyǵynda «Astana batyr» klýbynda dzıýdo boıynsha aǵa jattyqtyrýshy, QR dzıýdo boıynsha ulttyq komandanyń basshysy bolǵan.

2010 jyly Pavlodar oblysynyń qurylys basqarmasynda jáne oblys ákiminiń apparatynda qyzmet atqardy.

2012-2020 jyldar aralyǵynda Pavlodar oblysynyń dene shynyqtyrý jáne sport basqarmasynyń basshysy boldy.

Ulytaý oblysyna taǵaıyndalmas buryn «Jeńis» sport klýbynyń atqarýshy dırektory boldy.

Eske salsaq, 2024 jylǵy 9 jeltoqsanda Ulytaý oblysy Eńbek ınspektsııasy departamentiniń basshysy laýazymyna Jasulan Rústemov taǵaıyndalǵan bolatyn. Sol kúni Ulytaý oblysy Jer resýrstaryn basqarý departamentiniń de basshysy aýysty. Bul qyzmetti Nurjan Qaraqojaev atqaratyn bolady.