Ulybrıtanııalyq energetık alǵashqy bolyp Neo Nomad vızasyn aldy

<p>ALMATY. KAZINFORM &mdash; Ulybrıtanııalyq energetık Sertach Iener vızanyń jańa túri &mdash; Neo Nomad Visa-ny birinshi bolyp aldy. Kýálik sheteldik mamanǵa BAÁ-degi Qazaqstan elshiliginde berildi.</p>

Ulybrıtanııa azamaty qazaq tiline qyzyǵýshylyq tanytyp, Qazaqstannyń mádenıetimen, tabıǵı landshafttarymen jáne gastronomııasymen jaqynyraq tanysýdy josparlap otyr. Neo Nomad vızasyn ıelengen Sertach Iener jaqyn arada Qazaqstanǵa keledi. Oǵan qazaqsha sóıleý máneri burynnan tanys eken. Brıtandyq sarapshynyń qyzy Chıkago ýnıversıtetinde «Qazaq tili jáne Ortalyq Azııa zertteýleri» mamandyǵy boıynsha bilim alǵan.

— Qazaqstan — tańǵajaıyp el! Neo Nomad Visa baǵdarlamasy arqyly biz osy elde bir jylǵa deıin bolý múmkindigine ıe boldyq. Bul vıza meniń sheteldegi kompanııamda qashyqtan jumys isteýime jáne Qazaqstandy tanyp-bilýge, tabıǵatymen, dostyq atmosferasymen, ashanasymen, mýzykasymen, dástúrimen, tilimen tanysýǵa jol ashty. Qyzymnyń arqasynda men birshama ýaqyttan beri qazaq tiliniń áýezdiligi men baılyǵyn estip júrmin, — dedi Sertach Iener.

Atap ótken jón, Neo Nomad Visa Memleket basshysynyń tapsyrmasy boıynsha Týrızm jáne sport, Syrtqy ister, Tsıfrlyq damý, Іshki ister mınıstrlikteriniń jáne «Kazakh Tourism» ulttyq kompanııasynyń qatysýymen qoldanysqa engizildi. Bul vıza sheteldik týrıster ózderiniń sheteldegi kompanııalarynda qashyqtan jumys isteýge jáne Qazaqstanda bir jylǵa deıin turýǵa múmkindik beredi. Jańa V12-1 vızasyn alý úshin sheteldegi Qazaqstan elshiligine nemese konsýldyq mekemelerine júginý qajet.

Eske salaıyq, buǵan deıin Qazaqstanda zamanaýı kóshpendilerge arnalǵan jańa Neo Nomad vızasy engizilgenin jazǵanbyz. 

Sondaı-aq Neo Nomad Visa sheteldikterge qandaı múmkindik beretinin jazǵan edik.