Ulybrıtanııadaǵy maýsymdyq jumysqa barýǵa 4 myńǵa jýyq qazaqstandyq ótinish bildirgen

<p>2023 jyldyń birinshi jartyjyldyǵynda 4 myńǵa jýyq qazaqstandyq Ulybrıtanııa fermalarynda maýsymdyq jumys isteý úshin vıza alýǵa ótinish bergen. Salystyrý úshin aıta keteıik, 2019 jyly mundaı ótinishter tórteý ǵana bolǵan, dep habarlaıdy <a href="Kazinform" target="_blank" rel="noopener">Kazinform</a> <a href="https://t.me/protenge" target="_blank" rel="noopener">Rrotenge</a> telegram kanalyna silteme jasap.&nbsp;</p>

Tik Tok jelisinde aǵylshyn fermalarynda maýsymdyq jumystarda qalaı tabys tabýǵa bolatyn vıdeolar kóbeıdi. Olar aýyl sharýashylyǵy qajettilikterine maýsymdyq jumysshylardy tartatyn arnaıy baǵdarlama boıynsha barady jáne 2019 jyldan bastap oǵan Qazaqstan azamattary da qatysa alady. 

Munda adamdar egistikte 10-12 saǵat kez kelgen aýa-raıynda jumys isteıdi. Biraq soǵan qaramastan, Ulybrıtanııaǵa barýǵa nıet bildirgen qazaqstandyqtardyń sany jyl saıyn artyp keledi. 

Ulybrıtanııa elshiliginiń resmı statıstıkasy boıynsha ár jylda vızalyq ótinish bergen qazaqstandyqtar sany: 

2019 jyly - 4 ótinish;

2020 jyly - 11 ótinish;

2021 jyly - 402 ótinish;

2022 jyly - 2 711 ótinish;

2023 jyldyń birinshi jartyjyldyǵynda - 3 994 ótinish. 

Aıta keteıik, Ulybrıtanııada jalaqysy tómen jumysshy aıyna mıllıon teńgege jýyq tabys tabady, al Qazaqstanda ortasha jalaqy úsh esege az – 365 myń.