Ulybrıtanııadaǵy qazaqtar Londonda bas qosty

<p>&nbsp;Ulybrıtanııadaǵy Qazaq dıasporasyna &ndash; 50 jyl. Qym-qýyt zamanda taǵdyrdyń tálkegine ushyrap, Altaı óńirlerinen Túrkııaǵa, al odan keıin Ulybrıtanııaǵa kóship ketken qandastarymyz Londonda bas qosyp, mereıli merekeni atap ótti, dep habarlaıdy <a href="https://kaz.inform.kz/" target="_blank" rel="noopener">Kazinform</a> agenttiginiń menshikti tilshisi.&nbsp;</p>

Ábdisálim Savash – Ulybrıtanııa qazaǵy. Qandastarymyzdyń basyn biriktiretin qaýymdastyqqa tóraǵalyq etedi. Ata-anasy náýbetti zamanda Altaıdan Túrkııaǵa kóship ketken. Al ózi 25 jasynda Túrkııadaǵy ekonomıkalyq jaǵdaıdyń qıyndaýyna baılanysty Ulybrıtanııaǵa jumys izdep kelgen. 

Foto: Ǵalymjan Qaramanuly

«Basta biz osy jerde qalamyz dep oılamadyq. Aqsha taýyp, Túrkııaǵa áke-sheshemizdiń janyna qalamyz degenbiz. Odan keıin bul jerde balalarymyz dúnıege keldi. Olar ósti. Osy jerdiń mektebine bardy. Balalarymyzǵa toı jasadyq. Nemereli boldyq. Endi baıqasaq, biz elge qaıta almaımyz», - deıdi Ádbisálim Savash.

Ulybrıtanııa qazaqtary alysta júrse de, júregi týǵan jer dep soǵady. Atamekenimen baılanysyn eshqashan úzgen emes. Búgin olar Tumandy Albıonǵa alǵash taban tiregenderine jarty ǵasyrlyq mereıtoıyn sán-saltanatymen atap ótti. 

«Búgin biz tarıh qoınaýyna úńildik. Túrkistannan Úndistanǵa, Pákistanǵa, odan keıin Túrkııaǵa kóshken jáne aqyr sońynda Eýropa elderinde turaqtaǵan ata-babamyz týraly óskeleń urpaqqa aıtyp berdik. Vıktorınalyq suraqtar qoıyp, jeńimpazdardy syılyqtarmen marapattadyq», - deıdi qaýymdastyq múshesi Omar Savash.

Salt-dástúrlerge berik bolǵanymen ana tilinde sóıleýge kelgende jas býyn qınalady. Qazaqsha túsinedi, biraq oıyn erkin jetkize almaıdy. Ózara túrikshe jáne aǵylshynsha túsinisedi. 

Foto: Ǵalymjan Qaramanuly

«Túrli tildik kýrstar uıymdastyrylǵanymen olardan paıda az. Shetelge taraıtyn qazaq tilindegi televızııalyq arnalardy kóbeıtý kerek. Ata-anasymen úıde otyryp teledıdar kórgen bala úırenbeı qoımaıdy», - deıdi qaýymdastyq belsendileri.

Foto: Ǵalymjan Qaramanuly

«Keıbir kezde aıtady ǵoı, mıyn ashyp quıý kerek dep. Sol mıyn ashyp quıý medıa eken. Qazaq telearnalary bul jaqqa keńinen tarap tursa jaqsy bolar edi. Iá, ınternette bári bar deıdi, biraq jastar qazir ǵalamtorǵa basqa nárselerge kirip keted», - deıdi qaýymdastyq múshesi Ismaıl Kesıjı.

Foto: Ǵalymjan Qaramanuly

Qaýymdastyq buryn beıresmı bolatyn. 20 jyl buryn tirkeýden ótip, sodan beri zańdy tulǵa retinde is júrgizip keledi. Oǵan 60-qa jýyq shańyraq múshelik etedi. Otbasylyq jaǵdaıymen nemese jumys babymen osynda ýaqytsha turyp jatqan qazaqstandyqtar da qaýymdastyq uıymdastyrǵan is-sharalarǵa belsendi aralasady. Respýblıka kúnin, Naýryz jáne aıt merekelerin birge atap ótedi.