Ulybrıtanııada jasandy ıntellekt qaýipsizdigi sammıti ótedi
Sharany Ulybrıtanııanyń ǵylym, ınnovatsııa jáne tehnologııalar mınıstri Mıshel Donnellan ashady, ol Ulybrıtanııanyń jasandy ıntellektti qaýipsiz damytý týraly kózqarasyn baıandaıdy. Sammıtte ulttyq qaýipsizdikke tónetin qaýip-qaterlerge jáne osy tehnologııany baqylaýdy joǵaltý qaýpine basty nazar aýdarylady.
«Sonymen qatar, saılaýdy buzý, senimge nuqsan keltirý jáne jahandyq teńsizdikti keńeıtý arqyly tehnologııanyń qoǵamǵa yqtımal teris áseri talqylanady», - dep atap ótti Brıtan Mınıstrler kabıneti.
Sammıttiń birinshi kúni aýrýlardy emdeýden bastap bilim berýdi jaqsartýǵa deıingi eleýli qoǵamdyq ıgilikterge qol jetkizý úshin jasandy ıntellekt tehnologııasymen birlesip jumys isteýge qatysty pikirtalas ótedi.
Kezdesýdiń ekinshi kúni Ulybrıtanııanyń premer-mınıstri Rıshı Sýnak úkimettiń, kompanııalar jáne sarapshylardyń shaǵyn tobyn jınap, jasandy ıntellekttiń ozyq tehnologııalarynyń paıda bolýymen baılanysty táýekelderdi joıý úshin jasalýy múmkin qadamdardy odan ári talqylaıdy.
Sońǵy jyldary jasandy ıntellekt tehnologııalary qarqyndy damyp keledi. 2023 jyldyń kókteminde tanymal ChatGPT chat-botynyń jańa nusqasy paıda boldy, ol ártúrli suraqtarǵa jaýap berýge, óleń jazýǵa tipti ýnıversıtet emtıhanyn tapsyrýǵa qabiletti.
Brıtandyq sarapshylar keıbir jasandy ıntellekt qyzmetteri adamdarǵa ótirik aıtýy múmkin jáne bolashaqta ózderiniń kodtaryn quraı alýy múmkin, onda olardy boljaý múmkin bolmaıdy dep alańdaýshylyq bildirdi. Óz kezeginde, tehnologııalyq kompanııalar jańa tehnologııalardy ázirleýge, keıde etıkalyq normalardy eskermeı, júzdegen mıllıon dollar ınvestıtsııalaıdy.
Aıta keteıik, buǵan deıin jasandy ıntellektti paıdalaný týraly G20 jáne G7 kóshbasshylary arasynda, sondaı-aq BUU aıasynda jáne 2020 jyldyń maýsymynda bastalǵan «Jasandy ıntellekt boıynsha jahandyq seriktestik» kópjaqty bastamasy aıasynda talqylanǵan bolatyn.