Ulybrıtanııada vırýstyń jańa túri tarap jatyr

<p>Ulybrıtanııada kovıdtiń jańa túri tarap, dárigerlerdiń alańdaýshylyǵyn týǵyzdy. Resmı málimetterge sáıkes Anglııa men Shotlandııada árbir 24-shi adam vırýsty juqtyrǵan, dep habarlaıdy <a href="https://kaz.inform.kz/" target="_blank" rel="noopener">Kazinform</a> tilshisi.&nbsp;</p>

Shamamen 150 myń adam úıden test synamasyn jasap, osyndaı nátıje kórsetip otyr. Vırýstyń jas talǵamaıtyny anyqtalǵan.

Biraq ol 65 jastan asqan adamdardan góri 18 ben 44 jas aralyǵyndaǵy turǵyndardan kóbirek tabylǵan. Naýqastar, ásirese, Londonda kóp.

Dúnıejúzilik densaýlyq saqtaý uıymy bul vırýsty zertteýdi qajet etetin omıkronnyń jańa túri dep, oǵan JN.1 degen ataý berdi.

Onyń Soltústik jáne Ońtústik Amerıkada, Tynyq muhıtynyń batys bóliginde jáne Eýropa elderinde keńinen taraǵany belgili bolyp otyr.

“Kovıd, ádettegishe, bizdi tań qaldyryp jatyr. Aldyn ala boljaý qıyn aýrý bolǵandyqtan saqtyq sharalaryn jasaǵan jón”, - deıdi vırýsolog ǵalym Loýrens ıAng.

Qazirgi tańda JN.1 asa qaýipti ekendigin dáleldeıtin ázirge zertteý nátıjeleri joq.

Kovıdke qarsy vaktsınalardyń jańartylǵan túrleri adam aǵzasynyń ımmýnıtetin kúsheıtedi deıdi mamandar.

Biraq Dúnıejúzilik densaýlyq saqtaý uıymyndaǵylar naýqastar sanynyń artýy múmkin ekendigin joqqa shyǵarmaıdy.

Óıtkeni qys mezgilinde órshıtin basqa vırýstyq jáne bakterıaldy ınfektsııalar jyǵylǵanǵa judyryq bolyp tur.