Ulybrıtanııada parlament saılaýy bastaldy

<p>LONDON. KAZINFORM &mdash; Búgin &ndash; Ulybrıtanııada saılaý kúni. Brıtan halqy bılik partııasyn tańdaý úshin saılaý ýchaskelerine barady. Saýalnamalarǵa sáıkes birneshe jyl el basqarǵan konservatorlar jeńiliske ushyrap, parlamenttegi oryndardyń basym kópshiligin leıborıster ıelenedi, dep habarlaıdy Kazinform-nyń Tumandy Albıondaǵy tilshisi.</p>

Búgin Ulybrıtanııadaǵy 650 saılaý ýchaskesiniń saılaýshylary parlament depýtattaryn tańdaıdy. Partııa kem degende 326 oryndy ıelense, ıaǵnı 50 paıyzdan joǵary daýys jınasa, onyń kóshbasshysy el tizginin ustap, jańa úkimet jasaqtaıdy.

Ulybrıtanııada konstıtýtsııalyq monarhııa ornaǵan. Úshinshi Charlz patsha memleket basshysy sanalady, biraq beıresmı túrde. Onyń qyzmeti tek saltanatty sharalarǵa qatysyp, zań jobalaryna kelisim berýmen shekteledi. Bılik partııasy bes jylǵa saılanyp, jańa premer-mınıstr óz úkimetin qurady. Sońǵy zertteýlerge sáıkes 14 jyl el basqarǵan konservatorlar búgin jumsaq ornynan aıyrylmaq.

«Ómir súrý daǵdarysy halyqtyń janyna qatty batty. Ipotekalyq nesıe paıyzy ósip, azyq-túlik, jaryq pen gazdyń baǵasy aspandap ketti. Bılik partııasy qazir jaǵdaı túzeldi dep otyr. Inflıatsııa deńgeıi 11 paıyzdan 2 paıyzǵa tómendegenimen, qymbatshylyq áli de qysyp jatyr», - deıdi sarapshy Djıll Loýless.

Bılik partııasynyń, ıaǵnı konservatorlardyń kóshbasshysy Rıshı Sýnak bolsa, oppozıtsııalyq leıborısterdi Kır Starmer basqarady. Dál osy eki saıası uıym sońǵy eki ǵasyr boıy basymdyqqa ıe bolyp keledi. Olardan bólek reformatorlar, lıberal-demokrattar jáne basqa da saıası uıymdar tartysqa túsip jatyr.

«Bul kúndi bári asyǵa kútken. Elde ózgerister bolǵanyn qalaımyn. Saılaý qazirgi jaǵdaıdy ózgerter degen úmittemin», - deıdi London turǵyndarynyń biri.

«Men eshbir saıasatkerge senbeımin. Bári aldaıdy. Menińshe, qos partııanyń bir-birinen aıyrmashylyǵy shamaly. Ekeýi de bos ýáde berýge sheber», - deıdi taǵy bir kóshe júrginshileriniń biri.

Saýalnamalarǵa sáıkes ekonomıka, densaýlyq saqtaý, kóshi-qon, turǵyn úı daǵdarysy jáne qorshaǵan orta máselesi Brıtan halqyn qatty mazalaıdy. Búgin túngi ondardyń shamasynda ekzıt-poll nátıjesi jarııalanyp, kimniń Vestmınster saraıynyń tórinde otyratyny belgili bolady. Al saılaýdyń resmı qorytyndysy erteń tańǵy ýaqytta málim etilmek.