Ulybrıtanııada Haııat Tahrır ash-Sham terrorıstik uıymdar tiziminen shyǵarylýy múmkin

<p>ASTANA. KAZINFORM &ndash; Ulybrıtanııa úkimeti &laquo;Haııat Tahrır ash-Sham&raquo; tobyn tyıym salynǵan terrorıstik uıymdar tiziminen shyǵarý múmkindigin qarastyryp jatyr.</p>

BBC teleradıokorporatsııasyna suhbat bergen Ulybrıtanııanyń Úkimetaralyq baılanys mınıstri Pet MakFadden Sırııadaǵy kóterilisshiler Bashar Asadty taqtan taıdyrǵannan keıin eldegi jaǵdaıdyń turaqsyz bolyp qalǵanyn aıtty.

Dúısenbide BBC Radio 4-te sóılegen MakFadden «Haııat Tahrır ash-Sham» uıymynyń mártebesin qaıta qaraý shynymen talqylanyp jatqanyn rastady.

- Iá, bul máseleni qaıta qaraý qajettigi anyq. Bul uıymǵa uzaq ýaqyt boıy tyıym salynyp keldi. Uıym basshysy buryn aıtylǵan keıbir sózderinen bas tartty. Ol azshylyqqa tap bolǵandardy qorǵaý, adamdardyń quqyqtaryn saqtaý týraly durys dúnıelerdi aıtyp júr. Sondyqtan biz bul taqyrypty jaqyn kúnderi jan-jaqty qarastyramyz, - dedi ol. 

Brıtandyq saıasatkerdiń aıtýynsha, eger Sırııadaǵy jaǵdaı turaqtansa, kez kelgen jańa rejımmen jumys isteý týraly sheshim qabyldaý qajet. 

Aıta keteıik, «Haııat Tahrır ash-Sham» 2017 jyly «Ál-Qaıdamen» baılanysy úshin Ulybrıtanııada terrorıstik uıym dep tanyldy (Qazaqstanda bul uıymǵa Joǵarǵy sottyń 2004 jylǵy 15 qazandaǵy sheshimimen tyıym salynǵan).