Ulybrıtanııada dárigerler el tarıhyndaǵy eń uzaq narazylyq sharasyn uıymdastyrdy

<p>Ulybrıtanııada kishi sanattaǵy dárigerler el tarıhyndaǵy eń uzaq narazylyq sharasyn uıymdastyrdy. Birneshe kún boıy olar naýqastarǵa em-dom kórsetýdiń ornyna kóshege shyǵyp, jalaqylaryn kóbeıtýdi talap etip jatyr, dep habarlaıdy <a href="https://kaz.inform.kz/" target="_blank" rel="noopener">Kazinform</a> agenttiginiń menshikti tilshisi.&nbsp;</p>

Aldymen kishi sanattaǵy dárigerleri úsh kún boıy kásibı mindetin oryndaýdyń ornyna qoldaryna transparanttar ustap, narazylyqtaryn bildirdi. Aq halattylar jalaqylaryn 35 paıyzǵa ósirýdi jáne eńbek sharttaryn jaqsartýdy talap etýde.

«Shtattaǵy dárigeler sany shekteýli. Medbıkeler óte az. Biz sharshadyq. Eshqandaı qoldaý kórmeımiz, biliktiligimizdi shyńdap jatqan joqpyz», - deıdi kishi sanattaǵy dáriger Lızzı Grınfıld.

Ulttyq densaýlyq saqtaý qyzmetiniń teń jartysy kishi sanattaǵy dárigerler. ıAǵnı, 10 jylǵa deıin eńbek ótili bar jas mamandar men medıtsınalyq joǵary oqý ornyn jaqynda támamdaǵan túlekter. Jalpy sany 70 myńǵa jýyqtaıdy. Olardyń úshten ekisi kásipodaq uıymynyń músheleri. Brıtan medıtsınalyq qaýymdastyǵy úkimetpen bir mámilege kele almaı otyr.

«Kishi sanattaǵy dárigerler men kásipodaq uıymynyń kelissózder ústeline qaıta otyrǵanyn qalar edim. Aýrýhanalardyń jumysy jandansa ıgi», - deıdi Ulybrıtanııanyń Densaýlyq saqtaý mınıstri Vıktorııa Atkıns.

Dál osyndaı ereýilder búkil Anglııa boıynsha uıymdastyryldy. Jańa jyldan keıin narazylar taǵy 6 kún jumysqa shyqpaımyz dep otyr. Bul – Ulttyq densaýlyq saqtaý qyzmeti tarıhyndaǵy eń uzaq ereýil. Nátıjesinde 1 mıllıonnan astam adamǵa medıtsınalyq kómek kórsetilmeıtin túri bar.