Ulybrıtanııada balalardaǵy qaterli isikti emdeýge arnalǵan jańa preparatqa ruqsat berildi

<p>ASTANA. KAZINFORM &ndash; Ulybrıtanııada qaterli isikke shaldyqqan balalarǵa arnalǵan jańa preparatty qoldanýǵa ruqsat berildi. Blınatomýmab dep atalatyn dárilik zattyń hımıoterapııamen salystyrǵanda ýyttylyǵy tómen jáne janama áseri az, dep jazady <a href="https://www.bbc.com/russian/articles/c802z0qdrw0o" target="_blank" rel="noopener">VVS </a>aqparat agenttigi.&nbsp;</p>

Dárilik preparatty alǵashqy bolyp Londondaǵy Great Ormond Street balalar aýrýhanasy paıdalanyp kórdi.

Al alǵashqy naýqastardyń biri - leıkozben aýyratyn 11 jasar Artýr boldy. Onyń ata-anasy VVS-ge bergen suhbatynda jańa terapııanyń balaǵa oń áser bergenin aıtty.

Taǵy bir artyqshylyǵy - preparatty aýrýhanada ǵana emes, úıde de qabyldaı berýge bolady. Nátıjesinde bala otbasymen kóbirek ýaqyt ótkizip, súıikti isimen aınalysa bastady.

Blınatomýmab - bıologııalyq preparattar tobyna jatady. Bul - tiri organızmderde paıda bolatyn tabıǵı antıdenelerdiń jasandy analogy. Osy toptaǵy basqa preparattar revmatoıdty artrıt sııaqty aýtoımmýndy aýrýlardy emdeý úshin qoldanylady.

Preparat leıkozdyń ártúrli túrlerin (leıkotsıtterdiń qaterli isigi) emdeý úshin qoldanylady. Onyń basty artyqshylyǵy - rak kletkalaryna «shabýyl jasaıdy», odan saý jasýshalar zardap shekpeıdi. Naýqas aýrý jasýshalarmen qatar saý jasýshalardy da buzatyn hımıoterapııaǵa qaraǵanda bul preparatqa áldeqaıda jeńil shydaıdy.

Blınatýmab biraz ýaqyttan beri eresek patsıentterdi emdeý úshin qoldanylǵan, biraq sarapshylar onyń balalarǵa da qaýipsiz ekenin anyqtady.