Ulybrıtanııa Iemen hýsıtterine soqqy jasaýǵa daıyndalyp jatyr

<p>Brıtandyq joıǵysh ushaqtar Qyzyl teńizdegi kemelerine shabýyl jasalǵannan keıin ıemen hýsıtterine qarsy birqatar áýe soqqylaryn jasaýǵa daıyndalyp jatyr, dep habarlaıdy <a href="https://www.inform.kz/ru/velikobritaniya-gotovitsya-nanesti-udari-po-yemenskim-husitam-a0930e" target="_blank" rel="noopener">Kazinform</a> agenttiginiń tilshisi.</p>

The Times habarlaýynsha, Ulybrıtanııa zymyranmen maqsatty soqqy jasaý úshin Batys odaqtastarymen áreketti úılestirip jatyr.

Yqtımal nysanalar Qyzyl teńizdegi nemese hýsıtter ornalasqan Iemenniń qurlyq bóligindegi ýchaskelerdi qamtýy múmkin.

Bul sheshim Ulybrıtanııanyń qorǵanys mınıstri Grant Sheppstyń jeksenbide «Eger hýsıtter ómir men saýdaǵa qaýip tóndirýdi jalǵastyrsa, biz qajetti jáne tıisti sharalardy qabyldaýǵa májbúr bolamyz» degen eskertýinen keıin qabyldandy.

Hýsıtter strategııalyq mańyzdy teńiz joly — Qyzyl teńizde kemelerge qaıta-qaıta shabýyl jasap jatyr.

Bul áreket Gaza sektoryndaǵy Izraılmen qaqtyǵys kezinde HAMAS-qa qoldaý kórsetý retinde qarastyrylady.

Jeksenbi kúni tańerteń Brıtan Syrtqy ister mınıstri Devıd Kemeron ırandyq áriptesi Hosseın Amır Abdollahıanmen telefon arqyly sóılesken kezde Irandy hýsıtterge Qyzyl teńizdegi kemelerge shabýyldaryn toqtatýǵa yqpal etýge shaqyrdy.

«Hosseın Amır Abdollahıanmen Qyzyl teńizdegi jazyqsyz adamdardyń ómirine jáne jahandyq ekonomıkaǵa qaýip tóndiretin hýsıtterdiń shabýyly jaıynda sóılestim. Irannyń hýsıtterge kópten bergi qoldaýyn eskere otyryp, osy shabýyldardyń aldyn alý jaýapkershiligin moınyna alatynyn túsindirdim», — dep jazdy Devıd Kemeron X paraqshasynda (burynǵy Twitter).