Ulybrıtanııa SІM basshysy Iordanııa men Egıpetke barady

<p>Ulybrıtanııa Syrtqy ister mınıstri Devıd Kemeron Gaza sektorynda &laquo;atysty turaqty toqtatýǵa&raquo; qol jetkizý maqsatynda Iordanııa men Egıpetke barady, dep habarlaıdy <a href="https://kaz.inform.kz/?_gl=1*1cookbu*_ga*MTMxOTQ2NjU5MC4xNjk4Mzc1OTcw*_ga_Y44SMVECD5*MTY5ODM3NTk2OS4xLjAuMTY5ODM3NTk2OS42MC4wLjA.&amp;pk_vid=1dac2fba2c02ff6916983759715aaacc" target="_blank" rel="noopener">Kazinform</a> agenttiginiń menshikti tilshisi.</p>

Iordanııa men Egıpet kóshbasshylarymen kelissózde brıtanııalyq SІM basshysy tutqyndardy bosatý, Gaza sektoryna kómek kólemin arttyrý, gýmanıtarlyq úzilisti jalǵastyrýǵa jaǵdaı jasaý, zymyrandarmen shabýyldy jáne HAMAS-tyń Izraılge qoqan-loqqysyn toqtatý máselelerin talqylaıdy.

Kemeron Ulybrıtanııanyń Hamas Gaza sektorynyń bılik basynda qalatyn bolsa, ızraıldikter men palestınalyqtardyń qaýipsizdigin qamtamasyz etýge baǵyttalǵan daǵdarystyń uzaqmerzimdi saıası sheshimine qol jetkizýge kedergi keltiredi degen kózqarasty rastamaq.

- Kómekke keler bolsaq, men Izraıldiń Gaza sektoryna kóp mólsherde kómek pen otyn jetkizý úshin Kerem-Shalom baqylaý-ótkizý pýnktin ashý týraly sheshimin negizge alamyn, - dep keltirilgen Kemeronnyń sózi Ulybrıtanııa SІM taratqan kommıýnıkede.

- Eger Izraıl áli de Gaza sektorynda zymyrandarmen shabýylǵa jáne HAMAS-tyń lańkestik aılasyna tap bolyp jatsa, atysty toqtatý bylaı tursyn, eki memleket týraly bir sheshimge kelý de múmkin bolmaıdy, - dep tolyqtyrdy joǵary shendi brıtanııalyq dıplomat.

Devıd Kemeron Ulybrıtanııanyń gýmanıtarlyq kómegi anklavqa jetkenine kóz jetkizý úshin Egıpet pen Gaza sektory shekarasyna jaqyn ornalasqan ál-Arısh qalasyna barady.

Ulybrıtanııa kózqarasy boıynsha, Izraılge tóngen qaýipti toqtatqanda, ıaǵnı HAMAS joıylǵanda ǵana atysty tolyq toqtatýy múmkin.

- Taıaý Shyǵystaǵy dıplomatııamyzdyń maqsaty búgingi soǵysty toqtatý ǵana emes, urpaqtan urpaqqa jalǵasatyn beıbitshilik bolýy kerek. Eger HAMAS-ty Gaza sektory bıliginde qaldyrar bolsaq bul jaǵdaı eki el arasyndaǵy máseleni sheshýge únemi kedergi keltiredi, - dep jazdy Devıd Kemeron ótken aptada óziniń H jelisindegi shaǵyn blogynda.