Ulybrıtanııa Syrtqy ister mınıstri Devıd Kemeron Ózbekstanǵa bardy

<p>ASTANA. KAZINFORM &ndash; Ulybrıtanııa Syrtqy ister mınıstri Devıd Kemeron Tashkentke keldi. Bul týraly <a href="https://t.me/uzauz/9799" target="_blank" rel="noopener">UzA</a> agenttigi habarlady.</p>

Dál qazir Ózbekstan Syrtqy ister mınıstrliginiń joǵary mártebeli meımany eldiń syrtqy saıasat basqarmasynyń basshysy Bahtıer Saıdovpen kezdesýi ótip jatyr.

Kezdesýde aımaqtyq qaýipsizdik, bilim berý, klımattyń ózgerýi, ekijaqty saýda jáne iskerlik qarym-qatynastardy damytý máseleleri talqylanýda.

Ulybrıtanııa Syrtqy ister mınıstri Devıd Kemeron Tájikstan, Qyrǵyzstan, Ózbekstan, Túrkimenstan, Qazaqstan jáne Mońǵolııaǵa barýdy jáne saparlar barysynda Ulybrıtanııamen saýda, qaýipsizdik jáne ekologııa máseleleri boıynsha qarym-qatynastardy keńeıtý maqsatynda kelissózder júrgizýdi josparlaǵan.

Buǵan deıin Ulybrıtanııa Syrtqy ister mınıstri Devıd Kemeron Qazaqstanǵa keletinin jazǵan edik.

The Independent gazetiniń habarlaýynsha, Kemeron Ortalyq Azııa «Ulybrıtanııa aldynda turǵan eń úlken synaqtardyń ortasynda» ekenin eskertip, óziniń «eńbekpen jeńip alǵan egemendigin» qoldaýǵa baǵyttalǵan birqatar sharalardy jarııalaıdy.