Ulybrıtanııa premer-mınıstri jańa úkimetti tanystyrdy

<p>LONDON. KAZINFORM — Ulybrıtanııada jalpy saılaýda jeńiske jetken Leıborıster partııasynyń kóshbasshysy Kır Starmer premer-mınıstr boldy. Buǵan deıin birneshe jyl oppozıtsııada bolǵan partııa kóp daýys jınady. Jańa premer úkimetti jasaqtap úlgerdi, dep habarlaıdy <a href="https://ru.euronews.com/my-europe/2024/07/06/keir-starmer-cabinet" target="_blank" rel="noopener">Euronews.</a> </p>

Sonymen brıtan syrtqy ister mınıstrliginiń jańa basshysy — Devıd Lemmı, Qorǵanys mınıstri — Djon Hılı, Reıchel Rıvs Qarjy mınıstri bolyp taǵaıyndaldy, al Ivett Kýper ІІM basqarady. 

Lord-kantsler, ádilet mınıstri Shabana Mahmýd, densaýlyq saqtaý jáne áleýmettik ister mınıstri — Ýez Strıtıng, eńbek jáne zeınetaqy mınıstri — Lız Kendall, bıznes jáne saýda mınıstri — Djonatan Reınolds, bilim mınıstri — Brıdjet Fıllıpson, kólik mınıstri — Lýız Heıg.

2010 jyldan 2015 jylǵa deıin Leıborıster partııasyn basqarǵan Ed Mılıband energetıka jáne kómirtegi beıtaraptyǵy mınıstri bolyp taǵaıyndaldy.

Qorshaǵan ortany qorǵaý, azyq-túlik jáne aýyl sharýashylyǵyn damytý mınıstri qyzmetin Stıv Rıd, tsıfrlyq, mádenıet, buqaralyq aqparat quraldary jáne sport mınıstri laýazymyn Lıza Nendı, ǵylym, ınnovatsııa jáne tehnologııalar mınıstr qyzmetin Pıter Kaıl atqarady.

Hıları Benn jańa úkimette Soltústik Irlandııa isteri mınıstri qyzmetine kiristi, ıAn Mıýrreı — Shotlandııa, Djo Stıvens — Ýels isteri boıynsha mınıstr. 

Starmer 4 shildede ótken parlament saılaýynyń qorytyndysy boıynsha Úkimet basshysy qyzmetin atqarady.

Onyń basshylyǵymen Leıborıster partııasy jańa úkimetti qurýǵa qajet kópshilik daýysty jınaı aldy.