Ulybrıtanııa premer-mınıstri lańkestik áreketterge daıyn bolýdy tapsyrdy

<p>Ulybrıtanııa premer-mınıstri Rıshı Sýnak polıtsııa men barlaý organdaryna Izraıl men HAMAS arasyndaǵy qarýly qaqtyǵysqa baılanysty shıelenis kezinde yqtımal lańkestik áreketterge daıyndalýdy tapsyrdy, dep habarlaıdy Kazinform tilshisi.&nbsp;</p>

Brıtandyq The Telegraph gazetiniń habarlaýynsha, dúısenbi kúni Rıshı Sýnak úkimettiń tótenshe jaǵdaılar jónindegi komıtetiniń shuǵyl otyrysyn ótkizip, onda quqyq qorǵaý organdary men barlaý organdarynyń ókilderi ishki lańkestik qaýpiniń kúsheıýine jáne azamattyq tolqýlar qaýpine baǵa berdi.

Premer-mınıstr polıtsııa men barlaý organdarynan yqtımal stsenarııler arqyly lańkestik áreketterge daıyndyq sharalaryn qabyldaýdy talap etti. Mınıstrler kabıneti brıtandyq qoǵamdaǵy shıelenistiń kúsheıýi zorlyq-zombylyqqa ulasýy múmkin dep alańdaıdy.

Ótken senbide Ulybrıtanııa astanasynda myńdaǵan Palestına jaqtastarynyń úshinshi sherýi ótti. Narazylyq aktsııasy Manchester, Glazgo, Belfast jáne basqa qalalarda da bolǵan.