Ulybrıtanııa Lıvandaǵy azamattaryn evakýatsııalaý úshin charterlik reıs uıymdastyrdy

<p>LONDON. KAZINFORM - Ulybrıtanııa úkimeti Taıaý Shyǵystaǵy shıelenistiń kúsheıýine baılanysty Lıvandaǵy azamattaryn evakýatsııalaý úshin charterlik reıs uıymdastyrdy. Reıs sársenbi kúni Beırýt-Rafık Harırı halyqaralyq áýejaıynan ushyp ketedi, dep habarlaıdy Kazinform tilshisi.</p>

Ulybrıtanııa Syrtqy ister mınıstri Devıd Lammı Lıvandaǵy jaǵdaıdy «turaqsyz» dep sıpattap, onyń jyldam ýshyǵýy múmkin ekenin eskertti. Reıs birinshi kezekte qarttar men áıelderdi evakýatsııalaý múmkindikterin qarastyrady jáne 18 jasqa deıingi balalary bar otbasylardy bortqa otyrǵyzady.

Lıvanda shamamen 5 000 Brıtan azamaty men qos azamattyǵy bar adamdar turady. Ulybrıtanııa úkimeti olardyń qaýipsizdigin qamtamasyz etý úshin barlyq qosalqy jospardy qarastyryp jatyr. 

Foto: news.sky.com

Izraıl Hezbollaǵa qarsy shabýyldar uıymdastyryp, soltústik shekara boıyndaǵy aýmaqtardy qorshap aldy. Lıvan Densaýlyq saqtaý mınıstrliginiń málimeti boıynsha, dúısenbi kúni Izraıldiń áýe soqqylarynan keminde 95 adam qaza tapqan.

Lammı Brıtan azamattaryn Lıvannan dereý ketýge shaqyryp, bolashaqta evakýatsııalaýdyń múmkindigi bolmaýy yqtımal ekendigin atap ótti.