Ulybrıtanııa kóp jyldyq daý-damaıdan keıin Chagos araldaryn Mavrıkııge beredi

<p>ASTANA. KAZINFORM &ndash; Ulybrıtanııa Úndi muhıtyndaǵy shalǵaı, biraq strategııalyq mańyzdy Chagos araldarynyń egemendiginen bas tartyp, olardy Mavrıkııge beretinin jarııalady, dep habarlaıdy<a href="https://www.bbc.com/russian/articles/cx2kyerz682o" target="_blank" rel="noopener"> BBC News</a>.&nbsp;</p>

Londonnyń sheshimi Ulybrıtanııa men Mavrıkıı arasyndaǵy arhıpelag boıynsha ondaǵan jyldarǵa sozylǵan shıelenisti kelissózderdi aıaqtady. 

Chagos araldaryna AQSh Áskerı-teńiz kúshteriniń kemeleri men uzaq qashyqtyqqa ushatyn bombalaýshy ushaqtar úshin áskerı baza retinde paıdalanatyn tropıkalyq Dıego Garsıa atoly kiredi. Atap aıtqanda, bul bazany amerıkalyq avıatsııa Aýǵanstan men Irakqa jasaǵan shabýyldar kezinde paıdalanǵan.

Jańa kelisim sharttaryna sáıkes, Ulybrıtanııa Mavrıkııden Dıego-Garsııany kem degende 99 jyl merzimge jalǵa alyp, bul Qurama Shtattarǵa sol jerde áskerı bazasyn saqtap qalýǵa múmkindik beredi. 

Áskerı bazany saqtaý – Batys elderi, Úndistan men Qytaı arasyndaǵy aımaqtaǵy geosaıası básekelestiktiń kúsheıýiniń negizgi faktory. 

Ulybrıtanııa men Mavrıkıı kóshbasshylary «aımaqtyq jáne jahandyq qaýipsizdikte mańyzdy ról atqaratyn Dıego-Garsııadaǵy qoldanystaǵy bazanyń uzaq merzimdi, qaýipsiz jáne tıimdi jumysyn qamtamasyz etýge» daıyn ekenin málimdedi. 

AQSh «tarıhı» kelisimdi quptady.

«Bul dıplomatııa men seriktestik arqyly elder uzaqqa sozylǵan tarıhı syn-qaterlerdi eńserip, beıbit jáne ózara tıimdi nátıjelerge qol jetkize alatynynyń aıqyn kórinisi», - dedi AQSh prezıdenti Baıden. 

Kelisim áli de pysyqtaýǵa jatady, biraq taraptar ony múmkindiginshe tezirek aıaqtaýǵa ýáde berýde.