Ulybrıtanııa, Frantsııa jáne Germanııa Irannan Izraılge shabýyl jasamaýdy ótindi

<p>ASTANA. KAZINFORM &ndash;Eýropanyń úsh memleketi Iran men onyń odaqtastaryn Izraılge shabýyl jasaýdan bas tartýdy ótindi. Óıtkeni, mundaı shabýyl shıelenisti odan ary ýshyqtyryp, soǵysty toqtatý jáne tutqyndardy bosatý múmkindigine qater tóndiredi. Bul jaıynda Kazinform agenttiginiń menshikti tilshisi Ársen Óteshov habarlady.</p>

Frantsııa Prezıdenti Emmanýel Makron, Germanııa kantsleri Olaf Sholts jáne Ulybrıtanııa Premer-Mınıstri Kır Starmerdiń birlesken málimdemesin búgin brıtan úkimeti jarııa etti.

Eýropalyq úsh memleket kóshbasshylary soǵysty dereý toqtatyp, palestındik HAMAS tobynyń qolyna otyrǵan barlyq tutqyndy bosatý kerektigin málimdedi.

Málimdemede Gaza turǵyndary «shuǵyl ári kedergisiz kómek jetkizýge jáne ony taratýǵa» muqtaj ekeni atap kórsetiledi.

«Biz aımaqtaǵy shıelenistiń kúsheıýine qatty alańdaımyz jáne deeskalatsııa men aımaqtyq turaqtylyqty qoldaýǵa bir kisideı umtylamyz. Osy turǵyda jáne atap aıtqanda, biz Iran men onyń odaqtastaryn aımaqtyq shıelenisti odan ári ýshyqtyratyn jáne soǵysty toqtatý men kepilge alynǵandardy bosatý týraly kelissózder júrgizý múmkindigine qaýip tóndiretin shabýyldardan bas tartýǵa shaqyramyz», - delingen málimdemede.

Bul rette áńgime osy aptanyń sońynda qaıta jandanýy tıis Izraıl men HAMAS arasyndaǵy kelisim týraly kelissózder jaıynda bolyp otyr.

Elder eger shabýyl jasalsa, onda Iran «beıbitshilik pen turaqtylyqqa bastaıtyn osynaý múmkindikke qaýip tóndiretin áreketteri úshin jaýap beredi» dep eskertedi.

«Taıaý Shyǵystaǵy jaǵdaıdyń odan ary ýshyqqanynan bir de bir el nemese memleket paıda tappaıdy», - dep atalyp ótilgen málimdemede.

Sonymen qatar, memleket basshylary Mysyr, Qatar jáne Amerıka Qurama Shtattarynyń soǵysty toqtatý jáne kepilge alynǵandardy bosatý týraly kelisimge kelýdegi deldaldyq áreketterine qoldaý bildirdi.