Ulybrıtanııa ekonomıkasy tehnıkalyq retsesııaǵa ushyrady

<p>LONDON. KAZINFORM - &laquo;Tehnıkalyq retsessııa, ádette, ekonomıka eki toqsan qatarynan quldyraǵanda jarııalanady. Jalpy ishki ónim 2023 jyldyń tórtinshi toqsanynda 0,3%-ǵa qysqarǵan&raquo;, dep habarlaıdy Kazinform-nyń menshikti tilshisi Ǵalymjan Qaramanuly.</p>

Bul kórsetkish sarapshylardyń joramalynan da nashar boldy. Olar ekonomıka 0,1%-ǵa tómendeıdi dep boljaǵan. Kórsetkishterdiń tómendeýi negizgi úsh: qyzmet kórsetý, óndiris jáne qurylys sektorlarynda tirkelgen.

Anglııa Banki budan keıin brıtanııalyqtardyń qaltasy juqara túsedi degenge senbeıdi. Qańtar aıynda ınflıatsııa deńgeıi 4 paıyz deńgeıinde saqtalǵan. Bul kórsetkishter parlamenttik saılaýǵa daıyndalyp jatqan Premer-mınıstr Rıshı Sýnak úshin aýyr soqqy boldy. Saıası naýqan osy jyldyń sońynda ótýi múmkin. Úkimet basshysynyń bergen negizgi ýádeleriniń biri ekonomıkany kóterý bolatyn.

«Inflıatsııa tómendep jatyr. Jalaqy 6 aıdan beri ósip keledi. Eger tabandylyq tanytsaq, táýelsiz boljamshylardyń pikirinshe, jazdyń basynda paıyzdyq mólsherlemeler tómendeıdi, ıaǵnı ıpotekasy bar otbasylar úshin qolaıly bolmaq», — deıdi Ulybrıtanııanyń Qarjy mınıstri Djeremı Hant.