«Uly Jibek joly» týrnırinde qazaqstandyq eki boksshy jeńiske jetti

<p>ASTANA. KAZINFORM - Bokstan Ázerbaıjan astanasy Baký qalasynda ótip jatqan dástúrli halyqaralyq &laquo;Uly Jibek joly&raquo; týrnıriniń alǵashqy jarys kúninde alty qazaqstandyq sportshy sharshy alańǵa shyqty.</p>

Alty boksshynyń ekeýi jarysty jalǵastyrýǵa múmkindik alsa, tórteýi qarsylastaryna ese jiberdi.

Aldymen Temirtas Júsipov (48 keli) ázerbaıjandyq Týral Sarıevti qapy qaldyrsa, odan keıin Saǵyndyq Toǵambaı (92 keli) sol eldiń taǵy bir ókili Fýad Djafarovty nokaýtpen jeńdi.

Al el quramasynan Damır Ábdiqadyr (51 keli), Serik Temirjanov (63,5 keli), Tımýr Nurseıitov (75 keli), Qamshybek Qońqabaev (92 keliden joǵary) jarys jolyn erte aıaqtady.

Endi el quramasynan Tımýr Qabeshov (54 keli), Talǵat Syrymbetov (60 keli), Baqtııar Smaǵulov (67 keli), Darhan Dúısebaı (71 keli), Bekzat Tańatar (86 keli) sharshy alańǵa shyǵady.

Halyqaralyq týrnırde 11 elden kelgen 121 boksshy synǵa túsedi. Olardyń arasynda Qazaqstan, Ázerbaıjan, Ózbekstan, Reseı, Polsha, Qyrǵyzstan, Tájikstan, Iran, Italııa, Pákistan jáne Vengrııa boksshylary bar.

Dástúrli týrnır bes kúnge sozylady.