«Uly Jibek joly» týrnıri: Búgin qazaqstandyq úsh boksshy saıysqa túsedi

<p>ASTANA. KAZINFORM &ndash; Ázerbaıjan astanasy Baký qalasynda ótip jatqan &laquo;Uly Jibek joly&raquo; halyqaralyq týrnıriniń úshinshi jarys kúninde úsh boksshymyz sharshy alańǵa shyǵady.</p>

Halyqaralyq týrnırdiń úshinshi kúninde keıbir salmaq dárejesinde jartylaı fınal bastalady. El quramasy sapynda 67 keli salmaqta Baqtııar Smaǵulov shırek fınal jekpe-jegin ótkizedi.

Al 86 kelide Bekzat Tańatar men 92 kelide Saǵyndyq Toǵambaı jartylaı fınalda judyryqtasady. Sondaı-aq el quramasynan Temirtas Júsipov (48 keli), Talǵat Syrymbetov (60 keli), Darhan Dúısebaı 71 (keli) qarsylastaryn orta jolda qaldyrdy.

Al el quramasynan Damır Ábdiqadyr (51 keli), Serik Temirjanov (63,5 keli), Tımýr Nurseıitov (75 keli), Qamshybek Qońqabaev (92 keliden joǵary) jarys jolyn erte aıaqtady.

Halyqaralyq týrnırde 11 elden kelgen 121 boksshy synǵa túsýde. Olardyń arasynda Qazaqstan, Ázerbaıjan, Ózbekstan, Reseı, Polsha, Qyrǵyzstan, Tájikstan, Iran, Italııa, Pákistan jáne Vengrııa boksshylary bar.