Ýly qaldyq qoımasyna aınalǵan Qoshqar ata kólinde jumys nege toqtap tur

<p><span style="font-family: sans-serif; font-size: 18px;">Mańǵystaýda &laquo;Qoshqar ata&raquo; qaldyq qoımasyn qalpyna keltirý jumystary jobalyq-smetalyq qujattamany túzetýge baılanysty toqtatylǵan. Bul týraly Mańǵystaý oblystyq tabıǵı resýrstar jáne tabıǵat paıdalanýdy retteý basqarmasynyń basshysy Ásel Balmanova málim etti, dep habarlaıdy QazAqparat tilshisi.</span></p>

Máseleni sheshý maqsatynda Mańǵystaý oblysynyń ákimdigi jumys jobasyn qarjylandyrý úshin QR Ekologııa mınıstrligine ótinim hat joldaǵan.

«Memleket basshysy Qasym-Jomart Toqaev 50 jyl buryn radıoaktıvti qaldyqtardy ornalastyrý úshin paıdalanylǵan «Qoshqar ata» qaldyq qoımasynyń qurylysyn aıaqtaýdyń ózektiligin atap ótti. Qalpyna keltirý jumysyn jandandyryp qana qoımaı, qorǵanys orman beldeýin qurý úshin sekseýil kóshetterin otyrǵyzýdy jalǵastyrý qajet», - dedi oblys ákimi Nurlan Noǵaev. 

Qaldyq qoımasy bastapqyda úsh ónerkásiptik kásiporyn shyǵaratyn radıoaktıvti qaldyqtardy joıý úshin paıdalanylǵan.

Atalǵan kóldi rekýltıvatsııalaý úshin 2021 jyly respýblıkalyq bıýdjetten 266,2 gektarǵa qarajat bólinip, qalpyna keltirý jumysy júrgizildi.

Aıta ketsek, jumys 2022 jyly jobany túzetý qajettiligine baılanysty toqtatylǵan.