Úleskerlerdiń aqshasyn zańsyz tartqan qurylysshylarǵa aıyppul ulǵaıtylmaq

<p>ASTANA. KAZINFORM &ndash; Úkimet turǵyn úı qurylysyna úlestik qatysýdy memlekettik retteýdi kúsheıtpek. Bul jaıynda Senat depýtattarynyń saýalyna Premer-Mınıstri Oljas Bektenovtiń jaýabynda aıtylǵan.&nbsp;</p>

«Turǵyn úı qurylysyna úlestik qatysý týraly» Zańǵa sáıkes Zańda belgilengen talaptardy buza otyryp, jeke jáne zańdy tulǵalardyń aqshasyn tartýǵa tyıym salynady, mundaı mámile jaramsyz dep tanylady. Aldyn ala sharttar naqty qurylys salýshy óziniń mindetterin tıisinshe oryndamaǵan jaǵdaıda, halyqqa obekti qurylysynyń aıaqtalýyna kepildik bermeıdi. Jańa problemalyq obektilerdiń paıda bolýyna jáne qurylys salýshylardyń zańnamany aınalyp ótip, úleskerlerdiń qarajatyn tartýyna jol bermeý maqsatynda Úkimet osy saladaǵy memlekettik retteýdi kúsheıtý jónindegi túzetýlerdi ázirledi», - dedi Úkimet basshysy jaýabynda.

Premer-Mınıstr jaýabyna berilgen anyqtamaǵa sáıkes, mynadaı túzetýler qarastyrylyp otyr:
- salynyp jatqan kóppáterli turǵyn úılerde turǵyn jáne turǵyn emes úı-jaılardy satyp alýǵa baılanysty aldyn ala sharttar jasasýǵa tyıym salý;

- úleskerlerdiń aqshasyn zańsyz tartqany úshin qurylys jumystaryn odan ári toqtata turyp, aıyppul sanktsııalaryn (1 107 600 teńgeden 7 384 000 teńgege deıin) ulǵaıtý;

- úleskerlerdiń aqshasyn tartýǵa ruqsaty bolmasa, jarnamaǵa tyıym salý;

- «Turǵyn úı qurylysyna úlestik qatysý týraly» QR Zańyn retteý salasyna «az qabatty qurylys» uǵymyn engizý;

- salynyp jatqan turǵyn úı naryǵynda úleskerlerdiń aqshasyn tartýdyń zańdylyǵy bóliginde JAO-nyń monıtorıng júrgizýi;

- salynyp jatqan turǵyn úıdi qolma-qol aqshasyz nysanda satyp alý-satý boıynsha mámilelerdi júzege asyrý.

«Sarapshylar qoǵamdastyǵymen jáne memlekettik organdarmen talqylaýdyń qorytyndysy boıynsha bul túzetýler Parlament Májilisine engiziledi. Óz kezeginde qurylys obektisin paıdalanýǵa qabyldaý merzimderi buzylǵan jaǵdaıda qurylys salýshynyń jaldaý aqysyn tóleý sharttary Azamattyq kodekstiń normalarymen retteledi. Demek, shart talaptary buzylǵan jaǵdaıda taraptardyń zańǵa sáıkes sot organdaryna júginýge quqyǵy bar», - dedi Oljas Bektenov.