«Ulbolsyn» fılmi Tallınde ótken kınofestıvalde júldeger atandy
Bul jaıynda fılmniń rejısseri Ádilhan Erjanov Instagram paraqshasynda málim etti.
«Birneshe kún buryn Tallınde ótken «Qarańǵy túnder» kınofestıvalinde bizdiń «Ulbolsyn» atty fılmimizdiń álemdik premerasy ótti. Al keshe festıvaldiń jabylý saltanatynda ol «Úzdik azııalyq fılm» atalymynda jeńimpaz atandy» dep jazady Ádilhan Erjanov.
«Ulbolsyn» fılmi jaıly aqparat kınofestıvaldiń Twitter paraqshasynda da jarııalandy.
Aıta keteıik, kartınanyń basty keıipkeri - qalada turatyn Ulbolsyn. Onyń sińlisi Ajar Qaratas aýylyndaǵy mektepti endi ǵana bitirdi.
Ulbolsyn súıikti sińlisiniń bolashaǵyn josparlap qoıǵan. Ol Ajardy bedeldi sheteldik ýnıversıtetke túsirý úshin jetkilikti aqsha jınady, bul qyzdyń bolashaqtaǵy mansabyna jáne erkin jáne táýelsiz bolýyna múmkindik beredi.
Alaıda ol Qaratasqa kelgende qyzdy jergilikti emshi, halyq arasynda óte bedeldi kisi Úrgen toqaldyqqa alý úshin alyp qashyp ketedi. Ulbolsyn buǵan kóndigýge bolmaıtynyn túsinip, Qaratastyń patrıarhaldy álemimen kúresýge bel býady.