Úlbi ózenine belgisiz suıyqtyqtyń quıylýyna baılanysty ekologııalyq tekserý júrip jatyr

ÓSKEMEN. QazAqparat – Shyǵys Qazaqstan oblysynyń ekologtary Úlbi ózenine belgisiz suıyqtyqtyń quıylýyna baılanysty ekologııalyq tekserý júrgizýde, dep habarlaıdy QazAqparat tilshisi.

Kesheli beri áleýmettik jelide Úlbi ózenine belgisiz suıyqtyq quıylyp jatqan vıdeo tarady.

ShQO Ekologııa departamenti baspasóz qyzmetiniń málimetine súıensek, qazirgi ýaqytta atalǵan fakti boıynsha tekserý jumystary júrgizilýde.

«Áleýmettik jelide júrgizilgen monıtorıng barysynda ózenge suıyqtyq quıylyp jatqan vıdeony baıqadyq. Bul týraly turǵyndardan resmı aryz-shaǵym túsken joq. Sonda da ekologtar dereý oqıǵa ornyna baryp, sýdan synama aldy. Zertteý jumystary jalǵasýda», - delingen aqparatta.

Vıdeodan alynǵan kadr