Úlbi ózenine 18 jastaǵy jigit batyp ketti – ShQO

ÓSKEMEN. QazAqparat – Óskemen qalasyndaǵy Úlbi ózenine 18 jastaǵy jigit batyp ketti, dep habarlaıdy QazAqparat tilshisi.

ShQO Tótenshe jaǵdaılar departamenti baspasóz qyzmetiniń málimetine súıensek, 1 tamyzda úıden shyǵyp ketken 18 jastaǵy jigit sol-kúıi qaıtyp oralmaǵan. Kelesi kúni Úlbi ózeniniń janynan ótip bara jatqan adamdar onyń jeke zattary men uıaly telefonyn taýyp alyp, týystaryna habar bergen.

«3 tamyz kúni habar-osharsyz ketken azamattyń týystary qutqarýshylardan kómek surady. Sóıtip, izdestirý jumystary dereý qolǵa alyndy. Ókinishke qaraı, búgin Úlbi ózeninen er adamnyń máıiti tabyldy», - dep habarlady vedomstvo ókilderi.

Osy rette, departament mamandary óńir jurtshylyǵyna jabdyqtalmaǵan jerlerde shomylmaý qajettigin eskertedi.