Úlbi metallýrgııalyq zaýyty aýmaǵynda ýrannyń shıkizat qory saqtalǵan

<p>ÓSKEMEN. KAZINFORM &ndash; Úlbi metallýrgııalyq zaýyty aýmaǵynda tómen ýran banki ornalasqan.&nbsp;</p>

Halyqaralyq atom energııasy agenttiginiń tómen baıytylǵan ýran banki Úlbi metallýrgııalyq zaýytynyń aýmaǵynda ornalasqan. MAGATE-niń tikeleı baqylaýyndaǵy bul bankte ýran geksaftorıdi túrindegi tómen baıytylǵan ýrannyń, ıaǵnı ıadrolyq otyndy óndiretin shıkizat qory saqtalǵan.

«2019 jyldyń 10 jeltoqsanynda bank resmı túrde paıdalanýǵa berildi. Kompanııany basqarýǵa jarııalanǵan ashyq tenderdiń jeńimpazy bolyp «Qazatomónerkásip» UAK» AQ jáne frantsýzdyq Orano Cycle kompanııasy tanyldy. Qordaǵy tómen baıytylǵan ýrannyń kólemi – 90 tonna. Banktiń jumysy bastalǵaly beri osy ýaqytqa deıin bul qordaǵy ýran qoldanylyp kórgen emes», - deıdi ıÝlııa Antonova.

Eger ónim jetkizýde qandaı da bir kedergiler bolyp jatsa, MAGATE-ge múshe memleketter bankte saqtalǵan kepildik berilgen rezervti paıdalana alady.

Eske sala keteıik, buǵan deıin Óskemendegi Úlbi metallýrgııalyq zaýytynda AES-ke qajetti otyn tabletkalary shyǵarylatynyn jazǵan bolatynbyz.