Ýlanyp qalǵan: Aqmola oblysynda kóliktiń ishinen eki adamnyń denesi tabyldy

<p>KÓKShETAÝ. KAZINFORM &ndash; Aqmola oblysynda kóliktiń ishinde kómirtegi totyǵymen ýlanǵan eki adamnyń denesi tabyldy.</p>

Aqmola oblysy PD baspasóz qyzmetiniń málimetinshe, naýryzdyń 5-i kúni saǵat 08:05 shamasynda Esil aýdandyq polıtsııa bólimine Esil qalasyndaǵy avtojýý aýmaǵynda «Audi A6» kóliginiń salonynan eki adamnyń denesi tabylǵany týraly habar kelip tústi.

«Anyqtalǵandaı, eki jas jigit túnde kólik jýý ornyna kirip, kóliktiń ishinde uıyqtap qalǵan. Olardyń denesinen zorlyq-zombylyqtyń izderi tabylǵan joq. Saraptama taǵaıyndaldy. Ólimniń aldyn-ala sebebi - kómirtegi totyǵymen ýlaný», - dedi Kazinform tilshisiniń saýalyna bergen jaýabynda Aqmola oblysy PD baspasóz qyzmeti ókilderi. 

Aıta ketsek, budan buryn eki adamdy óltirgen kókshetaýlyq ómir boıyna bas bostandyǵynan aıyrylǵanyn jazǵan edik.