Ulandyqtar alǵashqylardyń biri bolyp daýys berdi

<p>ASTANA. KAZINFORM &ndash; Búgin elimizde atom elektr stantsııasynyń qurylysyna qatysty respýblıkalyq referendým ótip jatyr. Ulttyq ulannyń áskerı qyzmetshileri memlekettiń bolashaǵyna baılanysty osy mańyzdy saıası oqıǵadan tys qalmady. Olar eldegi alǵashqylardyń biri bolyp daýys berýge kiristi. Bul týraly QR ІІM Ulttyq ulanynyń baspasóz qyzmeti málim etti.&nbsp;</p>

AES qurylysy boıynsha referendýmda birinshi bolyp QR ІІM Ulttyq ulanynyń áskerı qyzmetshileri óz tańdaýyn jasady. Referendým boıynsha ýchaskeler saǵat 06:00-de ashyldy. Bul osy ýchaskelerdegi jumys pen qyzmettiń erekshe tártibine baılanysty.

Foto: QR ІІM Ulttyq ulanynyń baspasóz qyzmeti

Atap aıtqanda, 5573 jáne 6505 áskerı bólimderinde referendýmǵa 2000-ǵa jýyq áskerı qyzmetshi qatysty. Daýys berý ýchaskelerinde daýys berýshilerdiń laıyqty tańdaý jasaýyna barlyq jaǵdaı jasalǵan.

Birinshi bolyp QR Іshki ister mınıstriniń orynbasary – Ulttyq ulannyń Bas qolbasshysy general-maıor Ańsaǵan Baltabekov daýys berdi.

Foto: QR ІІM Ulttyq ulanynyń baspasóz qyzmeti

Sondaı-aq, referendým kúnimen tuspa-tus kelgen týǵan kún ıelerine jáne birinshi daýys berýshilerge estelik syılyqtar berildi.

Aıta keteıik, tańǵy saǵat 07:00-den bastap Ulttyq ulannyń áskerı qyzmetshileri Qazaqstan qalalarynda qoǵamdyq qaýipsizdikti qamtamasyz etýge jumyldyrylatyn bolady.

Eske salaıyq, búgin qazaqstandyqtar atom elektr stantsııasyn salý máselesi boıynsha jalpyulttyq referendýmda daýys beredi.

Respýblıkalyq referendým bıýlleteninde bir ǵana saýal bolady:

– Siz Qazaqstanda atom elektr stantsııasyn salýǵa kelisesiz be?

Daýys berýshi jaýaptyń eki nusqasynyń birin tańdaıdy:

– «Iá, kelisemin» nemese, «Joq, kelispeımin».

Ózderiniń konstıtýtsııalyq quqyǵyn Koreıa Respýblıkasyndaǵy Qazaqstan azamattary alǵashqylardyń biri bolyp júzege asyrdy.