Ulanbatyr qalyń qar qursaýynda qaldy

<p>Mońǵolııa astanasy Ulanbatyr qalasyna qalyń qar jaýdy. Bul týraly búgin eldiń Qorshaǵan ortany baqylaý jáne meteorologııa qyzmeti málim etti, dep habarlaıdy <a href="Kazinform" target="_blank" rel="noopener">Kazinform</a> <a href="https://russian.news.cn/20231104/3e0c6ef7a5d14243a5c38e345835424d/c.html" target="_blank" rel="noopener">Sınhýa basylymyna</a> silteme jasap.&nbsp;</p>

- Qalyń qardan Ulanbatyr kóshelerinde keptelis bolyp jatyr. Mońǵolııanyń kóp bóligi boran men qar qursaýynda qalady degen boljam bar. Aýa temperatýrasy Mońǵolııanyń taýly aýdandarynda 28 gradýsqa deıin tómendeıdi, - delingen resmı málimdemede. 

Mońǵolııanyń Tótenshe jaǵdaılar boıynsha bas basqarmasy qatty burqasyn men qalyń qardyń túsýinen keıin el óńirlerine saparǵa shyqqan kólik júrgizýshilerin muqııat bolýǵa shaqyrady. Al kóshpeli-malshylarǵa jaıylym jerlerde qosymsha qaýipsizdik sharalaryn uıymdastyrýǵa keńes berdi. 

Mońǵolııada borandy ári aıazdy qys uzaqqa sozylady. Aýa temperetýrasy mınýs 25-ten 45 gradýsqa deıin qubylyp turady.