Ulan-Batyrda «Álemdik qoǵamdastyq tanyǵan Qazaqstan» atty fotokórme ótip jatyr
Bul týraly QazAqparat QR Syrtqy ister mınıstrliginiń baspasóz qyzmetine silteme jasap habarlaıdy.
Ekspozıtsııa Qazaqstan týraly, onyń ishinde elimizdiń táýelsizdiktiń 30 jyldyǵynda qol jetkizgen jetistikteri, álemdik arenadaǵy róli men mártebesi, mádenıeti, kórkem tabıǵaty men zamanaýı sáýleti bar elordasy Nur-Sultan jóninde maǵlumat beredi.
Sonymen qatar, is-sharaǵa qatysýshylarǵa turaqty damýdy, ultaralyq pen konfessııaaralyq kelisimdi qamtamasyz etýge, qaýipsizdikti nyǵaıtýǵa baǵyttalǵan halyqaralyq iri is-sharalar, memlekettiń syrtqy saıasaty men quqyqtyq júıesi týraly foto-materıaldar kórsetildi.
Qazaqstan Elshisi Jalǵas Ádilbaev táýelsizdik jyldaryndaǵy elimizdiń tarıhyndaǵy mańyzdy oqıǵalar, Elbasy Nursultan Nazarbaevtyń memleketti qurýdaǵy tarıhı róli, ádiletti qoǵam qurý men halyqtyń ál-aýqatyn jaqsartý maqsatyndaǵy Prezıdent Qasym-Jomart Toqaevtyń bastaǵan reformalary týraly qysqasha aıtyp ótti.
Kórmege mádenıet salasynyń ókilderi, kitaphananyń oqyrmandary men qyzmetkerleri, sondaı-aq Mońǵolııa astanasynyń qalyń jurtshylyǵy qatysyp, is-sharaǵa qyzyǵýshylyq tanytty.