Ulan aýdanynda 188 otbasy baspanamen qamtylady – ShQO

ÓSKEMEN. QazAqparat – Shyǵys Qazaqstan oblysynyń Ulan aýdanynda kelesi jyly 188 otbasy baspanamen qamtamasyz etilmek, dep habarlaıdy QazAqparat tilshisi.

ShQO Aqparat ortalyǵynda onlaın ótken baspasóz konferentsııasynda Ulan aýdanynyń ákimi Nurymbet Saqtaǵanov kópbalaly jáne az qamtylǵan otbasylardy turǵyn úımen qamtamasyz etý maqsatynda atqarylyp jatqan jumystarǵa toqtaldy.

Onyń aıtýynsha, osy jyldyń sońynda Qasym Qaısenov kentinde jalǵa beriletin 40 páterlik eki jáne nesıelik 80 páterlik bir turǵyn úıdiń qurylysy aıaqtalady. Sonymen qatar jaqyn arada kezekte turǵan 16 kópbalaly otbasy eki páterli 8 turǵyn úıde qonys toıyn toılamaq.

«Aýdanda 5 586 sharshy metr turǵyn úı paıdalanýǵa berilgen. Jyl sońyna deıin jalpy kólemi 7 494 sharshy metr turǵyn úı paıdalanýǵa beriledi dep josparlanyp otyr. Kelesi jyly 188 kópbalaly jáne az qamtylǵan otbasy jalǵa beriletin turǵyn úımen qamtamasyz etiledi», - dep atap ótti Nurymbet Saqtaǵanov.