UQShU Ujymdyq qaýipsizdik shartynyń 25-jyldyǵyn atap ótýde

ASTANA. QazAqparat - 2017 jylǵy 23 mamyrda Astana qalasynda Ujymdyq qaýipsizdik týraly shart uıymynda tóraǵalyq etýshi Belarýs tarapynyń bastamasy boıynsha, Ujymdyq qaýipsizdik týraly shartqa qol qoıylýyna 25-jyl jáne UQShU-nyń 15 jyldyǵyna arnalyp, jumys babynda tańǵy as uıymdastyryldy, dep habarlaıdy QR Syrtqy ister mınıstrliginiń baspaóz qyzmeti.

Іs-sharaǵa Qazaqstan Parlamenti Májilisiniń Halyqaralyq ister, qorǵanys jáne qaýipsizdik komıtetiniń tóraǵasy Máýlen Áshimbaev, Syrtqy ister mınıstriniń orynbasary Ǵalymjan Qoıshybaev jáne Armenııa, Belarýs, Qyrǵyzstan, Reseı jáne Tájikstannyń Qazaqstandaǵy elshileri qatysty.

Jıynda UQShU qurylǵan kezeńinen bastap Uıym qyzmetiniń negizgi nátıjeleri týraly tyńǵylyqty pikir almasyldy. UQShU-ǵa múshe memleketterdiń áskerı yntymaqtastyq jáne jańa qaýip-qaterlerge qarsy is-qımyl salasyndaǵy ózara áreketi serpindi damyp kele jatqany atalyp ótti. Uıym sheńberinde qurylǵan praktıkalyq yntymaqtastyq mehanızmderi halyqaralyq terrorızm, esirtki tasymaly jáne zańsyz kóshi-qon sekildi qazirgi zamannyń qaterlerine qarsy birlese otyryp, is-qımyl etýge múmkindik beretindigi aıtyldy. Aqparattyq qaýipsizdik salasyndaǵy qylmystarmen kúres boıynsha múmkinshilikter ulǵaıýda. UQShU-nyń BUU, EQYU, ShYU jáne basqa halyqaralyq qurylymdarmen ózara is-qımyly ornatyldy.

Jalpy alǵanda, keńeske qatysýshylar Uıymnyń halyqaralyq jáne óńirlik qaýipsizdikti qamtamasyz etýde rólin joǵary baǵalap, onyń odan ári damýyna belsendi qolǵabys etýge nıetterin bildirdi.