UQShU PA mıssııasy Qazaqstandaǵy daýys berý protsesine qatysty pikir bildirdi

ASTANA. QazAqparat – UQShU Parlamenttik assalambleıasy mıssııasynyń úılestirýshisi Aleksandr Markevıch Qazaqstandaǵy depýtattardy saılaý protsesine qatysty pikir bildirdi, dep habarlaıdy QazAqparat tilshisi.

«Saılaý Qazaqstan Respýblıkasynyń zańnamasyna jáne halyqaralyq normalarǵa sáıkes ótkeni týraly tıisti qorytyndy jasadyq. Bıýlletenderdi berý tártibi, úgit-nasıhat aqparatyn ornalastyrý, daýys berý protsesin uıymdastyrý, daýystardy sanaý tártibine qatysty zań talaptaryn buzý derekteri bolmady. Sondyqtan osy nátıjeni halyqaralyq baıqaýshylar toby qorytyndysynda bekettik», -dedi Aleksandr Markevıch elordadaǵy Halyqaralyq baıqaýshylarǵa qolǵabys kórsetý ortalyǵynda ótken brıfıngide.

Onyń aıtýynsha, saılaýǵa deıin baıqaýshylarǵa Qazaqstan Respýblıkasynyń zańnamasyna engizilgen barlyq ózgerister týraly málimet berildi.

«Atap aıtqanda, baıqaýshy retinde daýys berý kezinde kedergiler men qıyndyqtardy kórmedik. Saılaý ýchaskelerinde biz qoıǵan suraqtardyń barlyǵyna kásibı ári túsinikti jaýap aldyq. Saılaýǵa qatysty barlyq aqparat usynyldy», - dedi A. Markevıch.