UQShU-nyń qýatty áleýetin odan ary nyǵaıtý mańyzdy – QR Prezıdenti
«Qazaqstan betpe-bet kelgen qater Ujymdyq qaýipsizdiktiń barlyq keńistigi úshin ortaq sanalady. Sondyqtan bizge UQShU-nyń qýatty áleýetin odan ary nyǵaıtý mańyzdy jáne Qazaqstan bul iske óz úlesin qosady», - dedi Memleket basshysy UQShU Ujymdyq qaýipsizdik keńesiniń kezekten tys sessııasynda.
QR Prezıdenti daǵdarysty jaǵdaıda UQShU sheshim shyǵarýǵa qatysty áreket etý merzimin ońtaılandyrý qajettigin atap ótti.
«Ujymdyq qaýipsizdik keńesiniń jáne ózge de organdardyń maquldaý sheshimderin ázirleý jáne qabyldaý máselesinde jedeldikti arttyrýǵa tıispiz. Sonymen qatar UQShU-nyń bitimgershilik kúshterin paıdalaný týraly sheshimge barynsha saıası qoldaýdy, ásirese BUU jine ózge de bedeldi halyqaralyq uıymdar, jetekshi álemdik buqaralyq aqparat quraldary, túrli elderdiń saraptamalyq ortalyqtary tarabynan qoldaýdy qamtamasyz etý mańyzdy», - dedi Qasym-Jomart Toqaev.
Aıta keteıik, búgin UQShU Ujymdyq qaýipsizdik keńesiniń kezekten tys sessııasy ótti. Jıyn Qazaqstan tarapynyń bastamasymen shaqyryldy.
Eske salaıyq , QR Prezıdenti Qasym-Jomart Toqaev UQShU múshe elderdiń basshylarynan el aýmaǵyndaǵy terrorıstik qaýipti eńserý úshin Qazaqstanǵa kómek kórsetýdi suraǵan bolatyn.