UQShU-nyń birlesken radıatsııalyq, bıologııalyq qorǵanys bólimshelerin qurý máselesi talqylandy

NUR-SULTAN. QazAqparat - Qazaqstan Qarýly kúshteri Bas shtabynyń bastyǵy UQShU Áskerı komıtetiniń otyrysyna qatysty, dep habarlaıdy QazAqparat Qorǵanys mınıstrliginiń baspasóz qyzmetine silteme jasap.

Máskeýde Ujymdyq qaýipsizdik týraly shart uıymyna (UQShU) múshe memleketteriniń áskerı yntymaqtastyǵyn damytý máseleleri boıynsha Áskerı komıtettiń 18-shi otyrysy ótti. Otyrysqa Qazaqstan Respýblıkasy Qarýly kúshteri Bas shtabynyń bastyǵy general-leıtenant Murat Bektanov bastaǵan qazaqstandyq áskerı delegatsııa qatysty.

Otyrysqa qatysýshylar Shyǵys Eýropa, Kavkaz jáne Ortalyq Azııa aımaqtaryndaǵy áskerı-saıası jaǵdaıdy, UQShU ujymdyq qaýipsizdik júıesiniń kúshteri men quraldaryn basqarý jáne qalyptastyrý organdarynyń birlesken daıarlyq is-sharalaryn, UQShU daǵdarysqa den qoıý ortalyǵynyń qyzmetin jáne birlesken radıatsııalyq, hımııalyq jáne bıologııalyq qorǵanys, medıtsınalyq qamtamasyz etý bólimshelerin qurýdy talqylady.

Odan basqa, 2021 jyly Uıymda tóraǵalyq etý kezeńinde Tájikstan Respýblıkasynyń usynǵan áskerı saladaǵy Uıym qyzmetiniń basymdy baǵyttary tyńdaldy.