UQShU kúshteriniń birlesken oqý-jattyǵýy ótedi - Qorǵanys mınıstrligi

NUR-SULTAN. QazAqparat - UQShU Birikken shtabynyń brıfıngi ótti, dep habarlaıdy QazAqparat Qorǵanys mınıstrliginiń resmı saıtyna silteme jasap.

Brıfıng barysynda Ujymdyq qaýipsizdik týraly shart uıymy birikken shtabynyń bastyǵy general-polkovnık Anatolıı Sıdorov UQShU Ujymdyq qaýipsizdik júıesi kúshteri men quraldarynyń basqarý organdary men quralymdarynyń birlesken oqý-jattyǵýlardy ótkizýge daıyndyǵy týraly habardar etti.

Beınekonferentsııa rejıminde ótken is-sharaǵa uıymǵa múshe Armenııa, Belarýs, Qazaqstan, Qyrǵyzstan, Reseı jáne Tájikstan memleketteriniń qorǵanys vedomstvolary men akkredıttelgen buqaralyq aqparat quraldarynyń ókilderi qatysty.

Brıfıngke qatysýshylar birlesken jedel jáne jaýyngerlik daıyndyq aıasynda josparlanǵan is-sharalar kesheni týraly, ótkiziletin is-sharalardyń maqsattary men mindetteri, tartylatyn kúshter men quraldar týraly, sondaı-aq 2022 jyly UQShU áskerleriniń (ujymdyq kúshteriniń) birlesken oqý-jattyǵýlarynyń erekshelikteri týraly aqparattandyryldy.