UQShU kúsh-qýat qurylymdary qyzmetkerleri óltirilgen Tájikstandaǵy jaǵdaıdy baqylaýda
Budan buryn Tájikstan SІM Dýshanbede jáne Vahdat qalasynda eki qarýly shabýyl bolǵanyn habarlaǵan bolatyn. Qorǵanys mınıstrligindegi derekkóz RIA Novostı agenttigine, sońǵy málimetter boıynsha Tájikstan ІІM men Qorǵanys mınıstrliginiń 33 qyzmetkeri, sondaı-aq juma kúni prezıdent «qylmys jasaǵany úshin» qyzmetinen bosatqan qorǵanys mınıstriniń burynǵy orynbasary Abdýhalım Nazarzodanyń tobynan 9 áskerı qyzmetker qazaǵa ushyraǵanyn habarlaǵan bolatyn. ІІM habarlaýynsha, shabýyldy Nazarzoda basqarǵan.
«UQShU Dýshanbedegi jaǵdaıdy baqylaýda, bul Tájikstannyń ishki isi. Sirá, bul kádimgi bandıttik janjaldar bolsa kerek, ókinishke oraı, mundaı oqıǵalar basqa da elderde bolyp turady. Biz tájik quqyq qorǵaý organdary men kúsh-qýat qurylymdary bul jaǵdaıdy jónge salady, budan buryn da osyndaı oqıǵaǵa toıtarys berilgen bolatyn», - dedi Zaınetdınov.
Ol tájik kúsh-qýat qurylymdarynda «bandıtterdiń mundaı áreketterin joıýda tájirıbeleri bar» ekenin atap ótti.
ІІM málimetterine qaraǵanda, Nazarzoda jáne onyń 135 jaqtasy - qorǵanys mınıstrliginiń desenttyq-shabýyl brıgadasynyń áskerı qyzmetshileri Dýshanbeniń shyǵysyna qaraı 45 shaqyrym jerde Romıt shatqalyna bekingen. Vedomstvo málimetteri boıynsha, jumaǵa qaraǵan túnde ol tikeleı qoljetimdi ruqsaty bar astana aýmaǵynda ornalasqan úsh áskerı bólimnen kóptegen qarýlar men oq-dárilerdi keminde eki «KamAZ kólikterine tıep alyp ketken. Tájikstannyń astanasy ortalyǵynda barlyq úkimettik mekemeler mańynda qaýipsizdik sharalary kúsheıtildi, dep habarlady RIA Novostı tilshsi. Іri úkimettik nysandar kúsheıtilgen kúzetke alyndy, atap aıtqanda Dýstı alańynda ishki ister mınıstrliginiń keminde 20 mashınasy, sonyń ishinde 6 sý tasıtyn mashına tur, olar Tájikstan parlamentine, syrtqy ister mınıstrligine jáne prezıdenttiń rezıdentsııasy turǵan Ult saraıyna (Kasrı mıllat) joldy jaýyp tastady. Úkimettik ǵımarattarǵa baratyn joldarda mılıtsııa jáne memlekettik avtoınspektsııa jasaqtary qoıylyp, OMON qyzmetkerlerimen jáne qyzmettik ıttermen kúsheıtilgen.