UQShU quqyq qorǵaý organdary arnaıy tehnıkalardy jeńildetilgen shartpen ıelenedi

ASTANA. QazAqparat - Búgin Senattyń jalpy otyrysynda palata depýtattary «2007 jylǵy 6 qazandaǵy Ujymdyq qaýipsizdik týraly shart uıymyna múshe memleketterdiń quqyq qorǵaý organdary men arnaıy qyzmetterin jaraqtandyrý úshin arnaıy tehnıka men arnaıy quraldardy jetkizýdiń jeńildikti sharttary týraly kelisimge ózgerister engizý týraly ekinshi hattamany ratıfıkatsııalaý týraly» QR Zańyn qabyldady. Atalǵan kelisim 2014 jyldyń 23 jeltoqsanynda Máskeýde jasalǵan.

Qujat Taraptardyń ulttyq zańnamasyna sáıkes, arnaıy tehnıka men arnaıy quraldarǵa qatysty syrtqy saýda qyzmetin júzege asyrýǵa quqyq berilgen memlekettik organdar arasynda jasalatyn sharttar negizinde arnaıy tehnıkalar men quraldardy jeńildetilgen sharttar arqyly jetkizýdi qarastyrady. Sonymen qatar, hattamada tótenshe jaǵdaılardyń aldyn alý jáne olardy joıý boıynsha apattyq-qutqarý jumystaryn júrgizýge arnalǵan quraldardy jeńildikpen jetkizý tetigin qurýǵa baǵyttalǵan túzetýler engizilgen.

Tutastaı alǵanda, qabyldanǵan Zańnyń maqsaty - UQShU múshe-memleketteriniń quqyq qorǵaý organdary men arnaıy qyzmetterin jaraqtandyrý úshin arnaıy tehnıkalar men quraldardy jetkizýge jeńildikterdi ıelený bolyp tabylady. Sondyqtan da, halyqaralyq kelisim aıasynda Qazaqstannyń qutqarý bólimsheleri Reseı men Belarýs eliniń arnaıy tehnıkalaryn jeńildetilgen sharttar arqyly satyp alý múmkindigine ıe bolmaq. ıAǵnı, kelisim kúshine engennen soń UQShU qatysýshy memleketteriniń qutqarý bólimsheleri jaraqtandyrý quraldaryn tikeleı zaýyttan óndiriletin baǵa boıynsha alýǵa qol jetkizedi.

Parlament qabyldaǵan Zań Memleket basshysynyń qol qoıýyna joldanady.