UQShU qaýipsizdik keńesiniń hatshylary 20 mamyrda Tájikstanda ótetin otyrysta Aýǵanstandaǵy jaǵdaıdy talqylaıdy

ASTANA. QazAqparat - Ujymdyq qaýipsizdik sharty uıymynyń Qaýipsizdik keńesi hatshylarynyń komıteti 20 mamyrda Hýdjand (Tájikstan) qalasynda ótetin jıynda halyqaralyq qaýipsizdik máseleleri men Aýǵanstandaǵy jaǵdaıdy talqylaıdy. Bul týraly BELTA UQShU baspasóz hatshysy Vladımır Zaınetdınovqa silteme jasap habarlady.

Otyrysqa Tájikstan Respýblıkasynyń Qaýipsizdik keńesiniń hatshysy Abdýrahım Kaharovtyń tóraǵalyǵymen ótedi. Oǵan UQShU bas hatshysy Nıkolaı Bordıýja qatysady.

"Kezdesýde halyqaralyq qaýipsizdiktiń ózekti máseleleri, Ujymdyq qaýipsizdik aımaǵyndaǵy qaterlerdiń aldyn-alý boıynsha UQShU múshe memleketteriniń sharalary, Aýǵanstandaǵy jaǵdaı men onyń UQShU aımaǵyndaǵy jaǵdaıǵa yqpaly qarastyrady", - dedi Vladımır Zaınetdınov.

Sonymen qatar komıtet tótenshe jaǵdaılarǵa ujymdyq áser etý júıesi máselelerin, UQShU múshe elderi azamattarynyń halyqaralyq lańkester uıymdarynyń jaǵynda qarýly qaqtyǵysqa qatysýyna shyǵýǵa kedergi jasaý boıynsha sharalardy talqylaıdy. Qaýipsizdik keńesiniń hatshylary UQShU elderi ókilderiniń 2015 jyldyń ekinshi jarty jyldyǵy men 2016 jyldyń alǵashqy jarty jyldyǵyna arnalǵan syrtqy saıasat, qaýipsizdik jáne qorǵanys máseleleri boıynsha keńes berý josparyn quptaıdy dep kútilip otyr.