UQShU Qaýipsizdik keńesi sessııasynda tolyqtaı ózara túsinistikke qol jetkizildi
«Búgin shaǵyn quramdaǵy otyrystyń qorytyndysyna toqtalyp ótkim keledi. Biz syndarly jáne senimgerlik turǵyda kún tártibindegi taqyryptardyń keń shoǵyryn talqyladyq. Óńirlik jáne jahandyq qaýipsizdikke qatysty ózekti problemalar boıynsha ashyq pikir almasý júrgizdik. Kún tártibindegi barlyq máseleler boıynsha tolyqtaı ózara túsinistikke qol jetkizildi. Sonymen qatar, sessııaaralyq kezeńdegi uıym qyzmetiniń negizgi qorytyndylaryn da talqyladyq. Qaýipsizdiktiń zamanaýı syn-tegeýrinderi men qaterlerine qarsy áreket etý boıynsha sharalar qabyldandy. Aldaǵy jylǵa atqarylatyn qyzmettiń ózekti baǵyttary aıqyndaldy. Qyrǵyz Respýblıkasynyń tóraǵalyǵy aıasynda UQShU-nyń halyqaralyq bedelin kóterý boıynsha belsendi jumystar júrgizildi», - dedi S. Jeenbekov UQShU Ujymdyq Qaýipsizdik keńesi sessııasynyń plenarlyq otyrysynda.
Onyń sózine qaraǵanda, UQShU-da daǵdarystyq is-qımyl jasaý ortalyǵyn quqyqtyq rásimdeý aıaqtalyp, áskerı, áskerı-ekonomıkalyq jáne áskerı-tehnıkalyq yntymaqtastyq salasynda qoıylǵan mindetterdi júzege asyrý boıynsha naqty qadamdar jasaldy.
«Bul rette iri oqý-jattyǵýlar ótkizildi. Nátıjesinde UQShU-ǵa múshe elder qarýly kúshteri is-qımyldarynyń úılesimdigine qol jetkizilip, olardyń jaýyngerlik daıarlyǵy artty», - dedi Qyryzstan Prezıdenti.
Budan buryn habarlanǵandaı, Ujymdyq Qaýipsizdik Shart Uıymyndaǵy tóraǵalyq Qyrǵyzstannan Reseıge ótti.