UQShU-ǵa múshe elderdiń qorǵanys mınıstrleri áskerı qaýipsizdik máselelerin talqylady
Kún tártibinde Ujymdyq qaýipsizdik týraly shart uıymyna múshe memleketterdiń áskerı qaýipsizdigi máseleleri kirdi.
Otyrys barysynda jedel den qoıý ujymdyq kúshterin zamanaýı qarý-jaraqpen, áskerı tehnıkamen jáne arnaıy quraldarmen jaraqtandyrý jónindegi josparlar qaraldy. Qatysýshylar 2022 jylǵa arnalǵan Ujymdyq qaýipsizdik júıesiniń kúshteri men quraldarynyń birlesken daıyndyǵyn jáne syrtqy saıasat, qorǵanys, qaýipsizdik máseleleri boıynsha 2021 jyldyń ekinshi jarty jyldyǵy – 2022 jyldyń birinshi jarty jyldyǵyna arnalǵan keńes berý josparyn talqylady.
Otyrysta Ujymdyq jedel den qoıý kúshteri qolbasshylyǵynyń úlgilik qurylymy men shtaty týraly UQShU-nyń Qorǵanys mınıstrleri keńesi men Qaýipsizdik keńesteri hatshylary komıtetiniń sheshiminiń jobasy usynyldy.
Qazaqstan Respýblıkasynyń Qorǵanys mınıstri general-leıtenant Nurlan Ermekbaev álemdegi jáne óńirdegi ahýal turaqty emestigin, dástúrli jaǵdaılar saqtalyp, qaýipsizdikke qatysty jańa syn-tegeýrinder týyndap jatqanyn atap ótti. Mundaı jaǵdaılarda memleketter men halyqaralyq qurylymdardyń qyzmetin tyǵyz úılestirý, olardyń múmkindikteri men kúsh-jigerin biriktirý turaqtylyq pen qaýipsizdikti qamtamasyz etýge múmkindik beredi. Óz tıimdiligin kórsetken UQShU sondaı-aq, daǵdarysqa den qoıý ortalyǵynyń múmkindikterin keńinen paıdalaný usynyldy.