UQShU elderi qaýipsizdik keńesiniń hatshylary Erevanda lańkestikpen kúres taqyrybyn talqylaıdy

ASTANA. QazAqparat - Ujymdyq qaýipsizdik týraly shart uıymynyń (UQShU) terrorızmmen kúres jolyndaǵy mindetteri búgin Erevanda UQShU-ǵa qatysýshy elder qaýipsizdik keńesiniń hatshylary komıtetiniń otyrysynda qaralady.

«Otyrysta halyqaralyq terrorızmmen jáne ekstremızmmen kúres salasyndaǵy UQShU-ǵa múshe memleketterdiń ujymdyq qaýipsizdik júıesin damytý boıynsha jáne UQShU keńistigindegi óńirlik qaýipsizdikti qamtý boıynsha sharalardy talqylaý josparlanǵan», - delingen «TASS» agenttigine bergen Armenııanyń Qaýipsizdik keńesi apparatynan birilgen habarlamada.

Atalǵan taqyryp boıynsha uıymnyń bas hatshysy Nıkolaı Bordıýja baıandama jasaıdy. Otyrysta UQShU-ǵa qatysýshy memleketterde lańkestik jáne ekstremıstik dep tanylǵan uıymdar tizimi qabyldanady.

Sonymen qatar, otyrysqa qatysýshylar 2025 jylǵa deıingi kezeńde ujymdyq qaýipsizdik strategııasyn kelisý barysyn talqylaıdy.

Olar jýyrda Erevanda otyrysy ótken UQShU bas narkologtarynyń úılestirý keńesi qyzmetiniń qorytyndysyn shyǵarady.

Aǵymdaǵy jyldyń ekinshi jartysyna arnalǵan syrtqy saıasat, qaýipsizdik jáne qorǵanys máseleleri boıynsha UQShU memleketteri ókilderi keńesteriniń jospary qaralady.

2016 jyly UQShU-ǵa tóraǵalyq etý Armenııanyń enshisinde.